រាជធានីភ្នំពេញ ៖ ក្រសួងសុខាភិបាលបានប្រកាសនៅព្រឹក ថ្ងៃទី២៤ ខែមីនា ឆ្នាំ២០២១ បានបញ្ជាក់ថាបានរកឃើញអ្នកឆ្លងជំងឺកូវីដ១៩ថ្មីបន្ថែមចំនួន២៩នាក់ និងបានព្យាបាលជាសះ ស្បើយចំនួន៣៤នាក់ ។
ក្រសួងសុខាភិបាលបានឲ្យដឹងថា អ្នកដែលឆ្លងកូវីដ១៩ថ្មីចំនួន២៩នាក់ មានចំនួន២៧នាក់ បានឆ្លងពីព្រឹត្តិការណ៍សហគមន៍២០កុម្ភៈ និង២នាក់ ជាអ្នកដំណើរ ហើយក្នុងចំណោមអ្នកឆ្លងក៏មានកុមារ ម្នាក់អាយុ៥ឆ្នាំ ផងដែរ ហើយអ្នកដែលឆ្លងភាគីច្រើនជនជាតិខ្មែរ និងចិននៅរាជធានីភ្នំពេញ ខេត្តកោះកុង ខេត្តត្បូងឃ្មុំ ។
ក្រសួងក៏បានឲ្យដឹងថា អ្នកដែលជាសះស្បើយចំនួន៣៤នាក់ មាន៣៣នាក់ ជាអ្នកពាក់ព័ន្ធនឹងព្រឹត្តិការណ៍សហគមន៍ និង១នាក់ ជាអ្នកដំណើរចូលមកកម្ពុជា ។ អ្នកដែលជាសះស្បើយភាគីច្រើនជាជនជាតិចិន និងខ្មែរមាននៅព្រះសីហនុ រាជធានីភ្នំពេញ ។
ក្រសួងបានគូសបញ្ជាក់ថា រកឃើញអ្នកឆ្លងជំងឺកូវីដ១៩ថ្មី២៩នាក់ទៀត និងជាសះស្បើយ ៣៤នាក់ ក្នុងនោះករណីឆ្លងសហគមន៍ ២៧នាក់ អ្នកដំណើរពីបរទេស ២នាក់ នៅរាជធានីភ្នំពេញ ២២នាក់ ខេត្តកោះកុង ៣នាក់ និងខេត្តត្បូងឃ្មុំ ១នាក់ និង កណ្ដាល១នាក់ ។
ចំនួនអ្នកឆ្លងជំងឺកូវីដ១៩ នៅសហគមន៍២០កុម្ភៈ បានកើនដល់សរុប១២៩៣នាក់ ក្នុងចំណោមចំនួនអ្នកឆ្លងនៅទូទាំងប្រទេសសរុប១៨១៧ នាក់ ។ ចំនួនអ្នកព្យាបាលជាសះស្បើយ ១០៣៣ នាក់ ចំនួនអ្នកកំពុងព្យាបាល ៧៧៧ នាក់ និងចំនួនអ្នកស្លាប់ចំនួន៥នាក់ ៕