រាជធានីភ្នំពេញ៖ ក្រសួងសុខាភិបាលបានប្រកាសថា រហូតដល់ម៉ោង ១០:០០ ព្រឹក ថ្ងៃទី២៣ មិនា ២០២១ យើងរកឃើញករណីជំងឺកូវីដ-១៩ សរុបចំនួន ៣៥នាក់ (ឆ្លងសហគមន៌៣៣នាក់ និងនាំចូល ២នាក់) និងមានជាសះស្បើយ ៣២នាក់ ។
ក្រសួងសុខាភិបាលបានឲ្យដឹងថា អ្នកដែលឆ្លង ក្នុងនោះមាន៣៣នាក់ ជាអ្នកពាក់ព័ន្ធនឹងព្រឹត្តិការណ៍សហគមន៍ និង២នាក់ជាអ្នកដំណើរចូលមកប្រទេសកម្ពុជា ។ អ្នកឆ្លងភាគច្រើនជាជនជាតិចិន និងខ្មែរនៅខេត្តព្រះសីហនុ រាជធានីភ្នំពេញ និងខេត្តកណ្តាល។ ចំណែកអ្នកព្យាបាលជាសះស្បើយចំនួន៣២នាក់ក្នុងនោះ ៣១នា ក់ជាប់ពាក់ព័ន្ធនឹងព្រឹត្តិការណ៍សហគមន៍ និង១នាក់ជាអ្នកដំណើរមកពីក្រៅប្រទេស។ អ្នកជាសះស្បើយមានជនជាតិនចិន វៀតណាម និងខ្មែរ រស់នៅរាជធានីភ្នំពេញ និងខេត្តកណ្តាល។
ក្រសួងបានគូសបញ្ជាក់ថារកឃើញអ្នកឆ្លងជំងឺកូវីដ១៩ថ្មី ៣៥នាក់ទៀត និងជាសះស្បើយ ៣២នាក់ ក្នុងនោះករណីឆ្លងសហគមន៍ ៣៣នាក់ និងអ្នកដំណើរពីបរទេស ២នាក់ ។ នៅខេត្តព្រះសីហនុ ១៧នាក់ រាជធានីភ្នំពេញ ១៤នាក់ខេត្តសៀមរាប ២នាក់។
ក្រសួងឲ្យដឹងថាគិតត្រឹមព្រឹក ថ្ងៃទី២៣ ខែមីនា ឆ្នាំ២០២១ អ្នកឆ្លងជំងឺកូវីដ១៩សរុប ១៧៨៨ នាក់បានព្យាបាលជាសះស្បើយចំនួន៩៩៩ នាក់ និងអ្នកកំពុងព្យាបាល៧៨៣ នាក់ និង អ្នកស្លាប់ចំនួន៤ នាក់។
ជំងឺកូវីដ-១៩ នៅតែបន្តគម្រាមកំហែងយើងជាប់ជានិច្ច សូមបងប្អូនបន្តប្រយ័ត្នជាប់ជានិច្ច ដោយអនុវត្តអនាម័យ នៅឃ្លាតឆ្ងាយពីគ្នា មិនចេញក្រៅផ្ទះបើមិនចាំបាច់ ព្រោះប្រទេសយើងកំពុងរាត្បាតក្នុងសហគមន៍ហើយ និងប្រទេសជិតខាងយើង និងពិភពលោកកំពុងបន្តរាតត្បាតជំងឺកូវីដ១៩ ដ៏ខ្លាំងក្លានៅឡើយ ៕