រាជធានីភ្នំពេញ ៖ ក្រសួងសុខាភិបាលបានប្រកាសនៅព្រឹកថ្ងៃទី២០ ខែមីនានេះបញ្ជាក់ថា បានរកឃើញអ្នកឆ្លងជំងឺកូវីដ១៩ថ្មី បន្ថែមចំនួន៥៤នាក់ មានកុមារ៣នាក់និងបានព្យាបាលជាសះស្បើយ១៨នាក់ ។
ក្រសួងសុខាភិបាល នៅថ្ងៃទី២០ មីនា ឆ្នាំ២០២១ថា បានរកឃើញអ្នកឆ្លងជំងឺកូវីដ១៩ ចំនួន៥៤នាក់ ក្នុងនៅរាជធានីភ្នំពេញភាគីច្រើន និងនៅស្រុកកោះធំ ខេត្តកណ្តាល និងនៅខេត្តព្រះសីហនុ ។
អ្នកឆ្លងទាំងនេះក៏មានកុមារអាយុ៦ឆ្នាំម្នាក់ និងកុមារអាយុ១៣ឆ្នាំ ចំនួន២នាក់ ដែលអ្នកទាំងនោះ សុទ្ធតែពាក់ព័ន្ធនឹងព្រឹត្តិការណ៍សហគមន៍២០ កុម្ភៈ ។
ជាមួយគ្នានោះដែរ ក្រសួងបានឲ្យដឹងថា អ្នកដែលព្យាបាលសះស្បើយចំនួន១៨នាក់ជាអ្នកពាក់ព័ន្ធនឹងព្រឹត្តិការណ៍សហគមន៍ ភាគច្រើនៅរាជធានីភ្នំពេញ ខេត្តព្រះសីហនុ និងខេត្តកណ្តាល ។
ក្រសួងសុខាភិបាលព្រឹកនេះក៏បានក៏បានបញ្ជាក់ថា ករណីឆ្លងថ្មី ចំនួន៥៤នាក់បន្ថែមទៀតស្ថិតក្នុងនោះព្រឹត្តិការណ៍សហគមន៍ ៥៣នាក់ ភាគច្រើនស្ថិតនៅក្នុងភ្នំពេញ-កណ្តាល និងធ្វើដំណើរចូលកម្ពុជា ១នាក់ ។
ក្រសួងថាអ្នកសហគមន៍សរុបបានកើនដល់ ១១១៥នាក់ ក្នុងចំណោមអ្នកឆ្លងសរុបទូទាំងប្រទេស ១៦៣២នាក់ អ្នកកំពុងសម្រាកព្យាបាល ៦៩២នាក់ និងអ្នកព្យាបាលជាសះស្បើយចំនួន៩៣៥នាក់ និងស្លាប់៣នាក់៕