Join with Health.com.kh on Telegram

រាជធានី​ភ្នំពេញ ៖ ក្រសួងសុខាភិបាល​បាន​ប្រកាស​នៅ​ព្រឹក​ថ្ងៃ​ទី​១៨ ខែ​មិ​នា​នេះ​ថា រក​ឃើញ​អ្នក​ឆ្លង​ជំងឺ​កូ​វី​ដ​១៩​ថ្មី​បន្ថែមចំនួន​៣៦​នាក់ និង​បាន​ព្យាបាល​ជា​សះស្បើយ​ចំនួន​៥៨​នាក់ ។

ក្រសួងសុខាភិបាល​បាន​ឲ្យ​ដឹង​ថា បាន​រក​ឃើញ​អ្នក​ឆ្លង​កូ​វី​ដ​១៩​ថ្មី​៣៦​នាក់ ក្នុង​នោះ​៣៥​នាក់ ពាក់ព័ន្ធ​ព្រឹត្តិការណ៍​សហគមន៍​២០ កុម្ភៈ និង​១​នាក់​ជា​អ្នក​ធ្វើ​ដំណើរ​មក​ពី​ក្រៅប្រទេស ។ ក្នុង​នោះ​ភាគច្រើន​អ្នក​ឆ្លង​នៅ​ខេត្តកណ្តាល និង​នៅ​រាជធានី​ភ្នំពេញ ។

ចំណែក​អ្នកជា​សះស្បើយ​ចំនួន​៥៨​នាក់ មាន​៥៤​នាក់ ពាក់ព័ន្ធ​នឹង​ព្រឹត្តិការណ៍​សហ​គម​ន័​២០​កុម្ភៈ និង​៤​នាក់​ជា​អ្នកដំណើរ ។

អ្នក​ដែល​ឆ្លង​ភាគច្រើន​នៅ​ខេត្តកណ្ដាល ចំនួន​២១​នាក់ និង​ភ្នំពេញ ១៤​នាក់ ។ ក្រសួង​បាន​បន្ត​ថា គិត​ត្រឹម​ព្រឹក ថ្ងៃ​ទី​១៨ ខែមីនា ឆ្នាំ​២០២១ មាន​អ្នក​ឆ្លង​ជំងឺ​កូ​វី​ដ​១៩​ទូ​ទាំង​ប្រទេស​សរុប​១៥៤១ នាក់ អ្នក​ព្យាបាល​ជា​សះស្បើយ​ចំនួន​៨៩៨ នាក់ អ្នក​កំពុង​ព្យាបាល​៦៤០ នាក់​និង​អ្នក​ស្លាប់​១ នាក់​៕