រាជធានីភ្នំពេញ ៖ ក្រសួងសុខាភិបាលបានប្រកាសនៅព្រឹកថ្ងៃទី១៧ ខែមីនានេះថា បានរកឃើញអ្នកឆ្លងជំងឺកូវីដ១៩ថ្មី បន្ថែមចំនួន៧៥នាក់ ពាក់ព័ន្ធនឹងព្រឹត្តិការណ៍សហគមន៍២០ កុម្ភៈ និងបានព្យាបាលជាសះស្បើយចំនួន២២នាក់ ។
ក្រសួងសុខាភិបាល បានបន្តថា អ្នកដែលឆ្លងកូវីដ១៩ ភាគច្រើននៅភ្នំពេញ ខេត្តកណ្តាល ព្រៃវែង។ ចំណែកអ្នកព្យាបាលជាសះស្បើយ២២នាក់ពាក់ព័ន្ធនឹងព្រឹត្តិការណ៍សហគមន៍២១នាក់ អ្នកដំណើរចំនួន១នាក់ ។
ក្រសួងសុខាភិបាលបានបញ្ជាក់ថា ករណីឆ្លងថ្មី ចំនួន៧៥នាក់បន្ថែមទៀត សុទ្ធតែពាក់ព័ន្ធព្រឹត្តិការណ៍សហគមន៍២០កុម្ភៈ ដោយភាគច្រើនជាជនជាតិចិន-ខ្មែរ ស្ថិតនៅកណ្តាល និងភ្នំពេញ ។
សរុបអ្នកឆ្លងក្នុងសហគមន៍កើនដល់ ៩៩០នាក់ អ្នកឆ្លងកូវីដ១៩សរុបនៅកម្ពុជាមាន១៥០៥នាក់អ្នកកំពុងសម្រាកព្យាបាល ៦៦២នាក់ អ្នកព្យាបាលជាសះស្បើយចំនួន៨៤០នាក់ ស្លាប់១នាក់ ៕