រាជធានីភ្នំពេញ ៖ ក្រសួងសុខាភិបាលបានបញ្ជាក់ថា បានរកឃើញអ្នកឆ្លងជំងឺកូវីដ១៩ ថ្មីចំនួន៣៩នាក់ ពីព្រឹត្តិការណ៍សហគមន៍២០ កុម្ភៈ ខណៈបានព្យាបាលជាសះស្បើយ៤នាក់ ។
ក្រសួងសុខាភិបាលបានឲ្យដឹង នៅថ្ងៃទី១៣ មីនា ឆ្នាំ២០២១ បានឲ្យដឹងថា រកឃើញអ្នកឆ្លងជំងឺកូវីដ១៩ចំនួន៣៩នាក់ ឆ្លងពីព្រឹត្តិការណ៍សហគមន៍២០នាក់ នៅរាជធានីភ្នំពេញ ខេត្តកណ្តាល ព្រៃវែង និងខេត្តព្រះសីហនុ ។ ក្រសួងបន្តថា ចំពោះអ្នកដែលជាសះស្បើយជាជនជាតិចិនចំនួន៤នាក់ នៅខេត្តព្រះសីហនុ ។
សូមជម្រាបអ្នកឆ្លងកូវីដ១៩ នៅទូទាំងប្រទេសសរុប១២៦៤នាក់ ជាសះស្បើយចំនួន៦២៣នាក់ និងកំពុងព្យាបាលចំនួន៦៣៩នាក់ ស្លាប់១នាក់ ។
ជំងឺកូវីដ-១៩ នៅតែបន្តគម្រាមកំហែងយើងជាប់ជានិច្ច សូមបងប្អូនបន្តប្រយ័ត្នជាប់ជានិច្ច ដោយអនុវត្តអនាម័យ នៅឃ្លាតឆ្ងាយពីគ្នា មិនចេញក្រៅផ្ទះបើមិនចាំបាច់ ព្រោះប្រទេសយើងកំពុងរាត្បាតក្នុងសហគមន៍ហើយ និងប្រទេសជិតខាងយើងនិងពិភពលោកកំពុងបន្តរាតត្បាតជំងឺកូវីដ១៩ ដ៏ខ្លាំងក្លានៅឡើយ ។
យើងត្រូវបន្តគម្លាតបុគ្គលបន្តទៀត ដូចជា អង្គុយគម្លាតពីគ្នា ឈររងចាំគម្លាតពីគ្នា ឈរជជែកគ្នាគម្លាតពីគ្នា ។ ល។ យើងត្រូវបន្តពាក់ម៉ាស់ជាប់ជានិច្ច និងឧស្សាហ៍លាងដៃជាមួយសាប៊ូ អាល់កុល ឬជែល៕