រាជធានីភ្នំពេញ ៖ ក្រសួងសុខាភិបាលបានប្រកាសនៅថ្ងៃទី១១ ខែមីនានេះថា បានរកឃើញអ្នកឆ្លងជំងឺកូវីដ១៩ថ្មី បន្ថែមចំនួន៣៩នាក់ ខណៈព្យាបាលជាសះស្បើយចំនួន៤៨នាក់ ។
ក្រសួងសុខាភិបាលបានឲ្យដឹង រកឃើញអ្នកឆ្លងជំងឺកូវីដ១៩ ពីព្រឹត្តិការណ៍សហគមន៍២០ កុម្ភៈ ចំនួន៣៩នាក់ ភាគច្រើនជាជនជាតិខ្មែរ នៅរាជធានីភ្នំពេញ និងនៅខេត្តព្រៃវែង និងខេត្តកណ្តាល និងខេត្តផ្សេងទៀត ។
ចំពោះអ្នកជាសះស្បើយចំនួន៤៨នាក់ សុទ្ធតែជាអ្នកពាក់ព័ន្ធនឹងព្រឹត្តិការណ៍សហគមន៍២០ កុម្ភៈ ជាជនជាតិខ្មែរ ជនជាតិចិន វៀតណាម នៅរាជធានីភ្នំពេញ ព្រះសីហនុ ។ អ្នកដែលជាសះស្បើយទាំងនេះ ត្រូវបានគ្រូពេទ្យអនុញ្ញាតឲ្យចេញពីមន្ទីរពេទ្យហើយ ។
ក្រសួងបានគូសបញ្ជាក់ថា រកឃើញ ៣៩ករណីបន្ថែមទៀត សុទ្ទតែឆ្លងពីព្រឹត្តិការណ៍សហគមន៍ ៣៩នាក់ ស្ថិតក្នុងរាជធានី-ខេត្តចំនួន៥ ដោយភាគច្រើនជនជាតិចិន និងវៀតណាម ។ អ្នកឆ្លងពីសហគមន៍២០កុម្ភៈ សរុបកើនដល់ ៦៥២នាក់ ក្នុងចំណោម អ្នកឆ្លងសរុបទូទាំងប្រទេស១១៦៣នាក់ និងអ្នកកំពុងសម្រាកព្យាបាល ៥៦៥នាក់ និងបានព្យាបាលជាសះស្បើយចំនួន៥៩៧នាក់ ៕