Join with Health.com.kh on Telegram

រោគ​រលាក​ថង់​ទឹក​នៃ​សន្លាក់ (bursitis) គឺជា​ការ​រលាក​ថង់​ទឹក​នៅ​សន្លាក់ ដែល​មានមុខ​ងារ​ថែទាំ​ចលនា​រា​ង្គ​កាយ​ឱ្យ​មាន​ចលនា​ស្រួល​និង​មិន​មានការ​កកិត​។ ក្នុង​រា​ង្គ​កាយ​របស់​អ្នកមាន​ថង់​ទាំងនេះ​ប្រហែលជា ១៥០ ដែល​ស្ថិត​នៅ​ត្រង់​ស្មា​, ក្បាលជង្គង់ និង​សន្លាក់​ផ្សេង​ទៀត ​។ រោគ​នេះ​នឹង​មាន​ឡើង​នៅ​ពេល​ចលនា​មាន​សម្ពាធ​លើ​សន្លាក់​ណាមួយ ដូច​ជា​ការ​លេង​វាយ​តេ​នី​ស ឬ​វាយ​កូន​ហ្គោ​ល យូរ​ពេក បង្ករ​ឱ្យ​មានការ​ឈឺ​ស្មា​។

ដំណាក់កាល​រលាក​ខ្លាំង​អាច​ធ្វើ​ឱ្យ​អ្នក​ឈឺ​ពី ៤ ទៅ ៥​ថ្ងៃ ឬ​អាច​យូរ​ជាង​នេះ​។ វា​នឹង​កាន់តែ​ឈឺ​ធ្ងន់​ឡើង​ៗ ចំពោះ​អ្នក​ដែល​មិន​ព្យាបាល​វា ហើយ​វា​នឹង​ធូរស្រាល​ចំពោះ​អ្នក​ព្យាយាម​រក​ការ​ព្យាបាល​ដែល​មាន​ប្រសិទ្ធភាព​។

ខាងក្រោម​នេះ​គឺជា​ការ​ណែនាំ​ដែល​អ្នក​អាច​ធ្វើ​បាន​ដោយ​ខ្លួនឯង ដែល​អាច​បំបាត់​ការ​ឈឺចាប់​បាន​មួយ​រយៈពេល​ខ្លី​៖

សម្រាក​៖ វេជ្ជបណ្ឌិត អា​ឡេ​ន បេន​ស៍​មេន (Alan Bensman) និយាយ​ថា រឿង​ដំបូង​ដែល​អ្នក​ត្រូវធ្វើ​ចំពោះ​គ្រប់ការ​ឈឺសន្លាក់​គឺ​ការ​សម្រាក​។ “​បញ្ឈប់​សកម្មភាព​ទាំងឡាយ​ណា​ដែល​បង្ករ​ឱ្យ​មានការ​ឈឺចាប់ និង​ទុក​ពេល​ឱ្យ​សន្លាក់​បាន​សម្រាក​”​។

ស្អំ​ទឺ​កក​ក​៖ វេជ្ជបណ្ឌិត អា​ឡេ​ន ថម​សុ​ន​(Allan Tomson) និយាយ​ថា ប្រសិនបើ​សន្លាក់​នោះ​ក្តៅ អ្នក​ត្រូវ​រក​ទឹកកក​។ “​ផ្លាស់​ប្តូរ​ការ​ស្អំ​ទឹកកក និង​មិន​ស្អំ​ក្នុង​ចន្លោះ ១០​នាទី​ម្តង​។ មិន​ត្រូវ​ស្អំ​របស់​ក្តៅ​លើ​សន្លាក់​ដែល​កំពុង​តែ​ក្តៅ​ឡើយ​”​។

ទាក់ទាញ​ការ​បំបាត់​ការ​ឈឹ​ចាប់​ដោយ​របស់​ផ្ទុយ​៖ នៅ​ពេល​ដែល​សន្លាក់​លែង​ក្តៅ ហើយ​បើសិនជា​ការ​ឈឺចាប់​ឬ​ការ​ហើម​មិន​ធ្ងន់ធ្ងរ​ទេ​នោះ វេជ្ជបណ្ឌិត ថម​សុ​ន ណែនាំ​ឱ្យ​ប្រើ​ការ​ព្យាបាល​ត្រជាក់​និង​ក្តៅ​លាយ​បញ្ចូល​គ្នា ដោយ​ស្អំ​ទឹកកក ១០​នាទី បន្ទាប់​មក​ស្អំ​ទឹក​ក្តៅ ១០​នាទី និង​ផ្លាស់​ប្តូរ​ម្តង​ត្រជាក់​ម្តង​ក្តៅ​ជា​បន្តបន្ទាប់​។

ថ្នាំ​បំបាត់​ការ​ឈឺចាប់​៖ អ្នក​អាច​សាកល្បង​ប្រើ​ថ្នាំ Naproxen (Aleve), Ibuprofen, អាស្ពីរីន (aspirin), Ecotrin, ឬ Acetaminophen​។ ប្រសិនបើ​អ្នក​មិនដឹង​ថា​អ្នក​គួរ​ប្រើ​ថ្នាំ​មួយ​ណា អ្នក​គួរតែ​ពិភាក្សា​ជាមួយ​គ្រូពេទ្យ​។

ប្រើ​ប្រេង​ល្ហុង​៖ នៅ​ពេល​ដែល​ការ​ឈឺចាប់​អន់​ជាង​មុន​ហើយ គ្រូពេទ្យ ថម​សុ​ន ណែនាំ​ឱ្យ​លាបប្រេង​ល្ហុង​ត្រង់​សន្លាក់​ដែល​ឈឺ​។ លាបប្រេង​ល្ហុង​ហើយ​ត្រូវ​យក​ក្រណាត់​មក​រុំ​វា​ពីលើ បន្ទាប់​មក យក​បន្ទះ​ក្តៅ​ដាក់​ស្អំ​ពីលើ​។

លាបប្រេង​បំបាត់​ការ​ឈឺចាប់​៖ វេជ្ជបណ្ឌិត អា​លី​សុ​ន លី (Alison Lee) ពន្យល់​ថា ការ​ព្យាបាល​តាម​វិធី​ផ្សេង​ទៀត​ក៏​អាច​បំបាត់​ការ​ឈឺចាប់​បាន​ដែរ ប្រសិនបើ​ប្រើ​ជាមួយ​ការ​ព្យាបាល​ស្តង់ដារ​។ អ្នក​អាច​ប្រើ​ប្រេងកូឡា​រូប​ខ្លា ដែល​ជា​ក្រែ​ម​ម៉ាស្សា​របស់​ចិន ដែល​អាច​កាត់​បន្ថយ​ការ​ឈឺចាប់​បាន នៅ​ពេល​ដែល​លាប ១ ឬ ២ ដង​ក្នុង​មួយ​ថ្ងៃ​។ ប្រសិនបើ​អ្នក​មិន​អាច​រក​ទិញ​ប្រេងកូឡា​នោះ​បាន អ្នក​អាច​បង្កើត​ប្រេងកូឡា​ដោយ​ខ្លួនឯង​ដោយ​លាយ​ទឹក​ជាមួយនឹង​ម្សៅ​រមៀត ហើយ​លាប​វា​នៅ​សន្លាក់​មួយ​ថ្ងៃ ១ ឬ ២ ដង​។

ធ្វើ​ចលនា​សន្លាក់​ថ្នម​ៗ៖ នៅ​ពេល​ដែល​សន្លាក់​លែង​ឈឺ​ខ្លាំង​ហើយ អ្នក​ត្រូវធ្វើ​លំ​ហាត់ប្រាណ​វា​។ ប្រសិនបើ​វា​ជា​បញ្ហា​ឈឺ​កែងដៃ​ឬ​ស្មា គ្រូពេទ្យ​ណែនាំ​ឱ្យ​យោល​ដៃ​របស់​អ្នក​ដើម្បី​បំបាត់​ការ​ឈឺចាប់​។ ដំបូង​ធ្វើ​បែប​នេះ​រយៈពេល ២ ៣​នាទី ប៉ុន្តែ​ត្រូវ​ឧស្សាហ៍​ហាត់​។

ការ​សណ្តូក​ដៃជើង​៖ អ្នកជំនាញ​គ្រប់​រូប​ណែនាំ​ឱ្យ​ប្រើ​វិធីសាស្ត្រ​សណ្តូក​ដៃជើង ដើម្បី​វិល​ត្រលប់​ទៅ​រក​សន្លាក់​ដែល​ធ្វើ​ចលនា​បាន​ធម្មតា​វិញ​។ វិធីសាស្ត្រ​គឺ​បែរមុខ​ទៅ​រក​ជ្រុង​ជញ្ជាំង ហើយ​ប្រើ​ម្រាមដៃ​ដើរ​លើ​ជញ្ជាំង​នោះ រហូត​ដល់​ក្លៀក​របស់​អ្នក​ប៉ះ​ទៅ​នឹង​ជញ្ជាំង​។

ប្រេង​គ្រាប់​កប្បាស​៖ វា​មាន​ផ្ទុក​អាស៊ី​ខ្លាញ់ omega-៣ ដែល​អាច​កាត់​បន្ថយ​ការ​រលាក ដូច្នេះ​អ្នក​អាច​លាយ​ប្រេង​គ្រាប់​កប្បាស ១ ឬ ២ ស្លាបព្រា​បាយ​ក្នុង​សាឡាដ​របស់​អ្នក​។

ការ​អត់ធ្មត់​៖ ជា​ទូទៅ រោគ​នេះ​នឹង​បាត់​ទៅ​វិញ​ក្នុង​រយៈពេល ១០​ថ្ងៃ​។ គ្រូពេទ្យ​និយាយ​ថា ប្រសិនបើ​វិធីសាស្ត្រ​ទាំងអស់​មិន​អាច​កាត់​បន្ថយ​ការ​ឈឺចាប់​បាន​ទេ អ្នក​ត្រូវ​អត់ធ្មត់ ព្រោះ​វា​អាច​បាត់​ទៅ​វិញ​ដោយ​ខ្លួនឯង​។

ករណី​ត្រូវ​រក​គ្រូពេទ្យ​៖ ប្រសិនបើ​សន្លាក់​ទន់​, ក្តៅ​, និង​ក្រហម វា​គឺជា​សញ្ញា​នៃ​ការ​ឆ្លង​មេរោគ ឬ​ជំងឺ​សន្លាក់​។ ប៉ុន្តែ​ពេល​ខ្លះ​វា​នឹង​មិន​បង្ហាញ​រោគ​សញ្ញា​នោះ​ទេ បើ​ទោះជា​វា​ឆ្លង​មេរោគ​ក៏​ដោយ ដូច្នេះ​អ្នក​គួរ​ពិភាក្សា​ជាមួយ​គ្រូពេទ្យ​នៅ​ពេល​អ្នក​ឈឺសន្លាក់​៕