រាជធានីភ្នំពេញ ៖ ក្រសួងសុខាភិបាលបានបញ្ជាក់ នៅថ្ងៃទី៨ មិនា ឆ្នាំ២០២១ថា បានរកឃើញអ្នកឆ្លងជំងឺកូវីដ១៩ថ្មី ចំនួន២៤នាក់ នៅរាជធានីភ្នំពេញ និងខេត្តព្រះសីហនុបន្ថែមទៀត ។
ក្រសួងសុខាភិបាលបានឲ្យដឹងថា រកឃើញអ្នកឆ្លងកូវីដ១៩ថ្មី ចំនួន២៤នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈទាំងអស់ និងបានជាសះស្បើយ៧នាក់ ពីព្រឹត្តិការណ៍សហគមន៍ ។
ក្រសួងថា ក្នុងចំណោមអ្នកឆ្លងទាំ២៤នាក់ ភាគច្រើនជាជនជាតិចិន និងជនជាតិខ្មែរ និងជនជាតិវៀតណាម ។ អ្នកឆ្លងនៅខេត្តព្រះសីហនុ នៅរាជធានីភ្នំពេញ ខេត្តកំពង់ចាម ខេត្តកណ្តាល និងនៅខេត្តកំពង់ធំ ។
ក្រសួងសុខាភិបាលបញ្ជាក់ថា ករណីឆ្លងកូវីដ-១៩ ចំនួន២៤នាក់បន្ថែមទៀត ដោយ «ព្រឹត្តិការណ៍សហគមន៍២០កុម្ភៈ» កើនដល់ ៥០១នាក់ ក្នុងចំណោម អ្នកឆ្លងសរុបនៅទូទាំងប្រទេសចំនួន១០១១នាក់ និងអ្នកសម្រាកព្យាបាល ៤៩៣នាក់ និងបានព្យាបាលជាសះស្បើយចំនួន៥១៧នាក់ ៕