រាជធានីភ្នំពេញ ៖ ក្រសួងសុខាភិបាលបានបញ្ជាក់ថា បានរកឃើញអ្នកឆ្លងជំងឺកូវីដ១៩ ថ្មីចំនួន២១នាក់ ពីព្រឹត្តិការណ៍សហគមន៍ ២០ កុម្ភៈ ភាគច្រើនជាជនជាតិចិន នៅព្រះសីហនុ ។
យោងតាមសេចក្តីប្រកាសព័ត៌មានរបស់ក្រសួងសុខាភិបាល នៅថ្ងៃទី៦ មីនា ឆ្នាំ២០២១ បានឲ្យដឹងថា រកឃើញអ្នកឆ្លងកូវីដ១៩ថ្មី ២១នាក់ ពីព្រឹត្តិការណ៍សហគមន៍២០ កុម្ភៈ និងបានព្យាបាលជាសះស្បើយចំនួន២នាក់ ជាអ្នកដំណើរមកពីខាងក្រៅ ។
ចំនួនអ្នកឆ្លងថ្មីមានចំនួន ២១នាក់ខាងលើ ក្នុងនោះសុទ្ធតែពាក់ព័ន្ធព្រឹត្តិការណ៍សហគមន៍ ២០ កុម្ភៈ ដោយភាគច្រើនជាជនចិន ។
ក្រសួងបន្តថា អ្នកឆ្លងពីព្រឹត្តិការណ៍សហគមន៍២០ កុម្ភៈ កើនដល់ ៤៤៦នាក់ ក្នុងចំណោមអ្នកឆ្លងសរុប ៩៥៣នាក់ និងកំពុងអ្នកសម្រាកព្យាបាល ៤៦១នាក់ ខណៈព្យាបាលជាសះស្បើយ៤៩១នាក់ ។
ក្រសួងបានឲ្យដឹងថា ក្នុងចំណោមអ្នកដែលឆ្លងកូវីដ១៩ ចំនួន២១នាក់ មាន១០នាក់ ស្នាក់នៅរាជធានីភ្នំពេញ និង១១នាក់ នៅខេត្តព្រះសីហនុ ៕