Join with Health.com.kh on Telegram

រាជធានី​ភ្នំពេញ ៖ ក្រសួងសុខាភិបាល​បានប្រកាសនៅ​ថ្ងៃ​ទី​២ មិ​នា ឆ្នាំ​២០២១​ថា បាន​រក​ឃើញ​អ្នក​ឆ្លង​ជំងឺ​កូ​វី​ដ​១៩​ថ្មី ចំនួន​២៤​នាក់ សុទ្ធតែ​ពាក់ព័ន្ធ​នឹង​ព្រឹត្តិការណ៍​សហគមន៍​២០ កុម្ភៈ ខណៈ​ព្យាបាល​ជា​សះស្បើយ​ចំនួន​១​នាក់ ជា​ពលករ​មក​ពី​ប្រទេស​ថៃ ។

ក្រសួងសុខាភិបាល​បាន​ឲ្យ​ដឹង​ទៀត​ថា អ្នក​ដែល​ឆ្លង​ពី​ព្រឹត្តិការណ​សហគមន៍​ភាគច្រើន​ជា​ជនជាតិ​ចិន និង​ជនជាតិ​វៀតណាម និង​ជនជាតិ​ខ្មែរ​មាន​ចំនួន​តិច ។

គិត​មក​ដល់​ថ្ងៃ​ទី​២ មិ​នា កម្ពុជា​បាន​រក​ឃើញ​អ្នក​ឆ្លង​ជំងឺ​កូ​វី​ដ​១៩ សរុប​មាន​ចំនួន​៨៤៤​នាក់ បាន​ព្យាបាល​ជា​សះស្បើយ​ចំនួន​៤៧៨​នាក់ និង​កំពុង​សម្រាក​ព្យាបាល​នៅ​មន្ទីរពេទ្យ និង​មណ្ឌល​សុខភាព​ចំនួន​១១​កន្លែង នៅ​ទូ​ទាំង​ប្រទេស ។ ចំពោះ​អ្នក​ឆ្លង​ពី​ព្រឹត្តិការណ៍​សហគមន៍​២០​កុម្ភៈ មាន​ចំនួន​៣៤០​នាក់ ៕