រាជធានី​ភ្នំពេញ ៖ ក្រសួងសុខាភិបាល​បាន​ប្រកាស​នៅ​ព្រឹក​ថ្ងៃ​ទី​០១ ខែមីនា ឆ្នាំ​២០២១​នេះ​ថា បាន​រក​ឃើញ​អ្នក​ឆ្លង​កូ​វី​ដ​១៩ ថ្មី​ចំនួន​១៥​នាក់​បន្ថែម​ទៀត ដែល​នៅ​ក្នុង​នោះ​អ្នក​ឆ្លង​ក្នុង​សហគមន៍​នៃ «​ព្រឹត្តិការណ៍​២០​កុម្ភៈ​» មាន​១៤​នាក់ ដែល​ភាគច្រើន​ជា​ជនជាតិ​ចិន និង​គ្មាន​ករណី​ជា​សះស្បើយ​ឡើយ ។

ក្រសួងសុខាភិបាល​បាន​បន្ត​ថា ក្នុង​ចំណោម​អ្នក​ឆ្លង​ក្នុង​សហគមន៍​ទាំង​១៤​នាក់ មាន​ជនជាតិ​ចិន​ចំនួន ១៣​នាក់ និង​ជនជាតិ​ខ្មែរ​ម្នាក់ ។ ចំណែកឯ​អ្នក​ដែល​ធ្វើ​ដំណើរ​មក​ពី​ក្រៅប្រទេស​ម្នាក់ ដែល​ឆ្លង​កូ​វី​១៩ គឺជា​ជនជាតិ​ឥណ្ឌូ​នេ​ស៊ី ធ្វើ​ដំណើរ​មក​ពី​ប្រទេស​ឥណ្ឌូ​នេ​ស៊ី មក​ដល់​កម្ពុជា​នៅ​ថ្ងៃ​ទី​២៦ ខែកុម្ភៈ ឆ្នាំ​២០២១ ។

ក្រសួង​បាន​ឲ្យ​ដឹង​ថា ក្នុង​ចំណោម​អ្នក​ឆ្លង​ជំងឺ​កូ​វី​ដ​១៩​ទាំងអស់​មាន​អ្នក​ឆ្លង​ពី​ព្រឹត្តិការណ៍​សហគមន៍​ចំនួន​៣១៦​នាក់

គិត​ត្រឹម​ថ្ងៃ​ទី​០១ ខែមីនា ឆ្នាំ​២០២១​នេះ កម្ពុជា​បាន​រក​ឃើញ​អ្នក​ឆ្លង​កូ​វី​ដ​១៩ សរុប​ចំនួន​៨២០​នាក់ ក្នុង​នោះ​អ្នកជា​សះស្បើយ​មាន​ចំនួន ៤៧៧​នាក់ និង​អ្នកជំងឺ​ចំនួន ៣៤៣​នាក់​កំពុង​ទទួល​ការ​ព្យាបាល​ផង​ដែរ ៕

ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
អត្ថបទទាក់ទង