Join with Health.com.kh on Telegram

រាជធានី​ភ្នំពេញ ៖ ក្រសួងសុខាភិបាល​បាន​ប្រកាស​នៅ​ព្រឹក​ថ្ងៃ​ទី​២៧ ខែកុម្ភៈ បាន​បញ្ជាក់​ថា បាន​រក​ឃើញ​អ្នក​ឆ្លង​ជំងឺ​កូ​វី​ដ​១៩​ថ្មី ចំនួន​២៦​នាក់ ដែល​សុទ្ធតែ​ឆ្លង​ពី​ព្រឹត្តិការណ៍​សហ​មគ​ន៍ ២០​កុម្ភៈ ។

ក្រសួងសុខាភិបាល​បាន​ឲ្យ​ដឹង​ថា អ្នក​ឆ្លង​កូ​វី​ដ​១៩ ក្នុង​សហគមន៍​ទាំង​២៦​នាក់​នេះ​មាន​ជនជាតិ​ចិន​ចំនួន ២២​នាក់​, ជនជាតិ​វៀតណាម ៣​នាក់ និង​ជនជាតិ​ខ្មែរ​ម្នាក់​។

ក្រសួងសុខាភិបាល​ក៏​បាន​បញ្ជាក់​ថា​«​ករណី​ឆ្លង​កូ​វី​ដ​-១៩ ចំនួន ២៦​នាក់​បន្ថែម​ទៀត ដែល​ក្នុង​នោះ​ទាំង​២៦​ករណី​នេះ​សុទ្ធតែ​ពាក់ព័ន្ធ​ព្រឹត្តិការណ៍​សហគមន៍​២០ កុម្ភៈ ដោយ​ភាគច្រើន​ជា​ជនជាតិ​ចិន និង​វៀតណាម ។ «​ព្រឹត្តិការណ៍​សហគមន៍​២០​កុម្ភៈ​» កើន​ដល់ ២៥៩​នាក់ ។ អ្នក​ឆ្លង​កូ​វី​ដ​១៩​សរុប ៧៦៦​នាក់ អ្នក​ព្យាបាល​សះស្បើយ​៤៧៧​នាក់ និង​កំពុង​សម្រាក​ព្យាបាល ២៨៧​នាក់​ផង​ដែរ ៕