Join with Health.com.kh on Telegram

រាជធានី​ភ្នំពេញ ៖ ក្រសួងសុខាភិបាល​បាន​ប្រកាស​នៅ​ព្រឹក ថ្ងៃ​ទី​២៣ ខែកុម្ភៈ​នេះ​ថា កម្ពុជា​បាន​រក​ឃើញ​ករណី​ឆ្លង​កូ​វី​ដ​-១៩ បន្ថែមចំនួន​២៥​នាក់​ទៀត ដែល​ក្នុង​នោះ​មាន​២៣​ករណី ពាក់ព័ន្ធ​ព្រឹត្តិការណ៍​សហគមន៍ ២០​កុម្ភៈ ដោយ​អ្នក​វិជ្ជមាន​កូ​វី​ដ​១៩ ភាគច្រើន​ជា​ជនជាតិ​ចិន​ដដែល ។

ក្រសួងសុខាភិបាល​បាន​បន្ត​ថា ការ​រក​ឃើញ​នូវ​ករណី​វិជ្ជមាន​កូ​វី​ដ​១៩ បំប្លែង​ថ្មី​ចំនួន​៣​ករណី​ផង​ដែរ និង​មាន​មិន​ករណី​ជា​សះស្បើយ​ផង​ដែរ ។

ចំពោះ​អ្នករក​ឃើញ​ឆ្លង​ជំងឺ​កូ​វី​ដ​១៩ ពី​ព្រឹត្តិការណ៍​សហគមន៍ ២០ កុម្ភៈ ឆ្នាំ​២០២១ ចំនួន​២៣​នាក់ ក្នុង​នោះ​មាន​ជនជាតិ​ចិន​ចំនួន​២១​នាក់ និង​ជនជាតិ​ខ្មែរ​២​នាក់ ដែល​រស់នៅ​ទីតាំង​ផ្សេង​ៗ​គ្នា ក្នុង​រាជធានី​ភ្នំពេញ ខណៈ​២​នាក់​ផ្សេង​ទៀត ជា​អ្នកដំណើរ មិន​ពាក់ព័ន្ធ​នឹង​ព្រឹត្តិការណ៍​សហគមន៍ ។

សូម​បញ្ជាក់ ៖ គិត​ត្រឹម​ព្រឹក ថ្ងៃ​ទី​២៣ ខែកុម្ភៈ ឆ្នាំ​២០២១ អ្នក​ឆ្លង​សរុប​ចំនួន ៥៩៣​នាក់ និង​អ្នកជា​សះស្បើយ ៤៧៥ នាក់ អ្នក​កំពុង​ព្យាបាល​១១៦ នាក់ ។ ក្នុង​នោះ​ពាក់ព័ន្ធ​ព្រឹត្តិការណ៍​សហគមន៍ ២០​កុម្ភៈ មានការ​កើនឡើង​ដល់ ៩៩ ករណី​ហើយ​ផង​ដែរ ៕