រាជធានីភ្នំពេញ ៖ សម្តេចតេ ជោហ៊ុនសែន នាយករដ្ឋមន្ត្រីបានប្រកាសថា មិនហាមការរៀបចំពិធីរៀបការ ពិធីបុណ្យ និងបិទសាលារៀននោះទេ ប៉ុន្តែត្រូវអនុវត្តវិធានការសុខាភិបាល៣ការពារ និង៣កុំ ។
សម្តេចបញ្ជាក់ថា«ខ្ញុំមិនចេញបញ្ជាបិទការរៀបពិធីរៀបការ ពិធីបុណ្យ និងពិធីផ្សេងៗនិងបិទការរៀបចំកិច្ចប្រជុំផ្សេងៗ និងសាលារៀននោះទេ ។ ប៉ុន្តែ សុំគោរពវិធានការសុខាភិបាល» ។
សម្តេចតេជោ ក៏បានស្នើសុំកុំអោយអ្នកជនបទ មានការរើសអើងអ្នកពីភ្នំពេញដែលទៅជនបទ និងកុំរើសអើងជនជាតិចិនផងដែរ ។ សម្តេចក៏បានស្នើសុំឲ្យមានការភ័យខ្លាចបែរទៅធ្វើការការពារប្រសើរវិញ ។
ជាងនេះ សម្តេចក៏បានអះអាងថា ប្រសិនមានការគោរព និងការពារនោះនឹងអាចលុបបំបាត់ព្រឹត្តិការណ៍សហគមន៍២០ កុម្ភៈ នៅរយៈពេល១ខែខាងមុខ ព្រោះថា ពេលនេះបានគ្រប់គ្រងសភាពការណ៍បានខ្លះហើយ ។
ជាមួយគ្នានោះដែរ សម្តេចស្នើសុំឲ្យអាជ្ញារធរទប់ស្កាត់ចំពោះ និងមានវិធានការឱ្យបានមម៉ឺងម៉ាត់ ។ សម្តេចក៏បានអំពាវនាវអ្នកពាក់ព័ន្ធនឹងក្លឹបN8 ធ្វើចត្តាឡីស័កបានគ្រប់គ្នាផងដែរ៕
