អ្នកដែលមានជំងឺនេះ ភាគច្រើន មិនត្រូវបានគេរកឃើញនោះទេ រហូតដល់អាយុ ៧០ ឆ្នាំ។ ទោះបីជាយ៉ាងណាក៏ដោយ ឥឡូវនេះ យើងដឹងថា ចំពោះមនុស្សចាស់ភាគច្រើន ខួរក្បាលរបស់ពួកគេ នឹងបាត់បង់ការចងចាំ ឬខូចខាតខួរក្បាល តាំងពីមុននេះទៅទៀត។ ប៉ុន្តែ ទោះបីជាយ៉ាងនេះក្តី ឆ្លងតាមរយៈការសិក្សាជាច្រើន បានបង្ហាញថា ជំងឺនេះអាចការពារបាន។
របបអាហារបែបអ្នកតមសាច់ ដូចជា បន្លែ ផ្លែឈើ សណ្តែក គ្រាប់ធញ្ញជាតិ ផលិតផលទឹកដោះគោ និងការញ៉ាំសាច់តិចតួច ត្រូវបានគេជឿជាក់ថា អាចកាត់បន្ថយការប្រឈម នឹងការបាត់បង់ការចងចាំ និងជំងឺចាស់វង្វេងនេះបាន។
ការសិក្សារបស់សាកលវិទ្យាល័យ ហាវើត (Harvard) បានរកឃើញថា ការទទួលទានជាតិខ្លាញ់ សាច់ អាហារឆ្អិនស្រាប់ និងការផឹកស្រា អាចធ្វើឲ្យជំងឺនេះ កាន់តែធ្ងន់ធ្ងរលើសដើម៕