មិនមែនដុំសាច់មហារីកខួរក្បាលទាំងអស់ សុទ្ធតែបង្កឲ្យមានរោគសញ្ញានោះទេ ហើយមួយចំនួនទៀត (ដូចជាដុំសាច់នៃក្រពេញ pituitary gland) មិនត្រូវបានគេរកឃើញទេ លុះត្រាតែការស្កេន CT ឬ MRI ត្រូវបានធ្វើដោយមូលហេតុផ្សេងទៀត។
រោគសញ្ញានៃជំងឺមហារីកខួរក្បាលមានច្រើន ហើយមិនជាក់លាក់ ចំពោះដុំសាច់ខួរក្បាលដែលមានន័យថា វាអាចបណ្តាលមកពីជំងឺផ្សេងៗទៀត។ មធ្យោបាយតែមួយគត់ ដើម្បីដឹងច្បាស់អំពីអ្វីដែលបង្កឲ្យមានរោគសញ្ញា គឺត្រូវធ្វើតេស្តរករោគវិនិច្ឆ័យ។
រោគសញ្ញាអាចបណ្តាលមកពី ៖
• ដុំមហារីកមួយសង្កត់លើផ្នែកផ្សេងទៀតនៃខួរក្បាល និងមិនឲ្យវាពីមានដំណើរការធម្មតា។
• ការហើមនៅក្នុងខួរក្បាល ដែលបណ្តាលមកពីដុំសាច់ ឬការរលាកជុំវិញ។
រោគសញ្ញាដូចខាងក្រោម គឺជារឿងធម្មតាបំផុត ៖
• ឈឺក្បាល
• ខ្សោយ
• ភាពមិនស្រួលក្នុងខ្លួន
• ពិបាកក្នុងការដើរ
• ការប្រកាច់។
រោគសញ្ញាផ្សេងៗដែលមិនសូវជាក់លាក់រួមមាន ៖
• ផ្លាស់ប្តូរស្ថានភាពផ្លូវចិត្ត – ការផ្លាស់ប្តូរនៅក្នុងការផ្តោតអារម្មណ៍ ការចងចាំ ការយកចិត្តទុកដាក់ ឬការប្រុងប្រយ័ត្ន
• ចង្អោរក្អួត
• មើលខុសធម្មតា
• ការលំបាកក្នុងការនិយាយ
• ការផ្លាស់ប្តូរបន្តិចម្តងៗទៅលើសមត្ថភាពបញ្ញា ឬការឆ្លើយតបផ្នែកអារម្មណ៍៕
