រាជធានី​ភ្នំពេញ ៖ នៅ​ព្រឹក​ថ្ងៃ​ទី​២៦ ខែមករា ឆ្នាំ​២០២១​នេះ​ក្រសួងសុខាភិបាល​បាន​ប្រកាស បាន​រក​ឃើញ​អ្នក​ឆ្លង​ជំងឺ​កូ​វី​ដ​១៩ ថ្មី​ចំនួន​២​នាក់ ខណៈ​បាន​ព្យាបាល​ជា​អ្នកជំងឺ​៣​នាក់​ជា​សះស្បើយ ហើយ​បាន​អនុញ្ញាត​ឲ្យ​ចេញពី​មន្ទីរពេទ្យ​ហើយ​ដែរ ។

ក្រសួង​បាន​បន្ត​ថា អ្នក​ឆ្លង​ជំងឺ​កូ​វី​ដ​១៩ ថ្មី​ទាំង​២​នាក់​រួម​មាន ៖
១- បុរស​ជនជាតិ​ឥណ្ឌូ​ណេ​ស៊ី អាយុ ២៤​ឆ្នាំ មាន​អាសយដ្ឋាន​ស្នាក់​នៅ ខេត្ត​ព្រះ​សីហ​នុ ជា​អ្នកដំណើរ​មក ពី​ប្រទេស​ឥណ្ឌូ​ណេ​ស៊ី បន្ត​ជើងហោះហើរ​នៅ​ប្រទេស​សិង្ហ​បុរី មក​ដល់​កម្ពុជា​នៅ​ថ្ងៃ​ទី​១២ ខែមករា ឆ្នាំ​២០២១ លទ្ធផល​ធ្វើតេស្ត​វត្ថុ​សំណាក​លើក​ទី​០២ របស់​បុរស​ខាងលើ​នេះ ផ្តល់​ដោយ​វិទ្យាស្ថាន​ជាតិ​សុខ ភាព​សាធារណៈ​នៃ​ក្រសួងសុខាភិបាល គឺ​វិជ្ជមាន​វីរុស​កូ​វី​ដ​-១៩ ហើយ​បច្ចុប្បន្ន​អ្នកជំងឺ​ត្រូវ​បាន​ដាក់​ឱ្យ សម្រាក​ព្យាបាល​នៅ​មជ្ឈមណ្ឌល​ជាតិ​កម្ចាត់រោគ​របេង និង​ហង់​សិន រាជធានី​ភ្នំពេញ​។

២- ស្ត្រីជន​ជាតិខ្មែរ អាយុ ២៣​ឆ្នាំ មាន​អាសយដ្ឋាន​ស្នាក់​នៅ​ភូមិ​សាមគ្គី​មាន​ជ័យ សង្កាត់​ប៉ោយ​ប៉ែ​ត ក្រុង​ប៉ោយ​ប៉ែ​ត ខេត្តបន្ទាយមានជ័យ បាន​ធ្វើ​ដំណើរ​មក​ពី​ប្រទេស​ថៃ មក​ដល់​កម្ពុជា​នៅ​ថ្ងៃ​ទី​១២ ខែមករា ឆ្នាំ ២០២១ លទ្ធផល​ធ្វើតេស្ត​វត្ថុ​សំណាក​លើក​ទី​០៣ របស់​ស្ត្រី​រូប​នេះ ផ្តល់​ដោយ​វិទ្យាស្ថាន​ប៉ាស្ទ័រ​កម្ពុជា រាជធានី​ភ្នំពេញ គឺ​វិជ្ជមាន​វីរុស​កូ​វី​ដ​-១៩ ហើយ​បច្ចុប្បន្ន​អ្នកជំងឺ​ត្រូវ​បាន​ដាក់​ឱ្យ​សម្រាក ព្យាបាល​នៅ​មន្ទីរ ពេទ្យ​បង្អែក​ខេត្តបន្ទាយមានជ័យ​។

ដោយឡែក អ្នកជា​សះស្បើយ​ទាំង​៣​នាក់​រួម​មាន ៖
១- ស្ត្រីជន​ជាតិខ្មែរ អាយុ ១៧​ឆ្នាំ មាន​អាសយដ្ឋាន​ស្នាក់​សង្កាត់​ប៉ោយ​ប៉ែ​ត ក្រុង​ប៉ោយ​ប៉ែ​ត ខេត្តបន្ទាយមានជ័យ ជា​អ្នកដំណើរ​មក​ពី​ប្រទេស​សហរដ្ឋអាមេរិក បន្ត​ជើងហោះហើរ​នៅ​ប្រទេស​សិង្ហ​បុរី មក​ដល់​កម្ពុជា​នៅ​ថ្ងៃ​ទី​១២ ខែមករា ឆ្នាំ​២០២១​។ ស្ត្រី​រូប​នេះ​ត្រូវ​បាន​ព្យាបាល​ជា​សះស្បើយ ដោយ​ទទួល​បាន​លទ្ធ ផល​តេស្ត អវិជ្ជមាន​វីរុស​កូ​វី​ដ​-១៩ ចំនួន ០២​លើក ត្រូវ​បាន​អនុញ្ញាត​ឱ្យ​ចេញពី​មជ្ឈមណ្ឌល​ជាតិ​កម្ចាត់ រោគ​របេង​និង​ហង់​សិន​។

២- បុរស​ជនជាតិ​ឥណ្ឌូ​ណេ​ស៊ី អាយុ ៣៤​ឆ្នាំ មាន​អាសយដ្ឋាន​ស្នាក់​នៅ​ខេត្តសៀមរាប ជា​អ្នកដំណើរ​មក​ពី ប្រទេស​ឥណ្ឌូ​ណេ​ស៊ី បន្ត​ជើងហោះហើរ​នៅ​ប្រទេស​សិង្ហ​បុរី មក​ដល់​កម្ពុជា​នៅ​ថ្ងៃ​ទី​១២ ខែមករា ឆ្នាំ​២០២១​។ បុរស​រូប​នេះ​ត្រូវ​បាន​ព្យាបាល​ជា​សះស្បើយ ដោយ​ទទួល​បាន​លទ្ធផល​តេស្ត អវិជ្ជមាន​វីរុស​កូ​វី​ដ​-១៩ ចំនួន ០២​លើក ត្រូវ​បាន​អនុញ្ញាត​ឱ្យ​ចេញពី​មជ្ឈមណ្ឌល​ជាតិ កម្ចាត់រោគ​របេង និង​ហង់​សិន​។

៣- ស្ត្រីជន​ជាតិខ្មែរ អាយុ ២១​ឆ្នាំ មាន​អាសយដ្ឋាន​ស្នាក់​នៅ​ស្រុក​ពាម​ជ ខេត្តព្រៃវែង បាន​ធ្វើ​ដំណើរ មក​ពី​ប្រទេស​ថៃ មក​ដល់​កម្ពុជា នៅ​ថ្ងៃ​ទី​១០ ខែមករា ឆ្នាំ​២០២១​។ ស្ត្រី​រូប​នេះ​ត្រូវ​បាន​ព្យាបាល​ជា​សះស្បើយ ដោយ​ទទួល​បាន​លទ្ធផល​តេស្ត អវិជ្ជមាន​វីរុស​កូ​វី​ដ​-១៩ ចំនួន ០២​លើក ឱ្យ​ចេញពី​មន្ទីរពេទ្យ​បង្អែក​ខេត្តបន្ទាយមានជ័យ​។

គិត​ត្រឹម​ម៉ោង​៧៖០០​នាទី​ព្រឹក​ថ្ងៃ​ទី​២៦ ខែមករា ឆ្នាំ​២០២១​នេះ កម្ពុជា​រក​ឃើញ​អ្នក​ឆ្លង​កូ​វី​ដ​១៩ សរុប​ចំនួន ៤៦០​នាក់ ក្នុង​នោះ​អ្នកជា​សះស្បើយ​ចំនួន ៤១២​នាក់ និង​អ្នកជំងឺ​កំពុង​សម្រាក​នៅ​មន្ទីរពេទ្យ​ចំនួន ៤៨​នាក់​ផង​ដែរ ៕