វាជាជំងឺមួយដែលអាចបង្ការបានបើសិនជាអ្នក យល់ដឹងអំពីវិធីបង្ការ។ មានវ៉ាក់សាំងបង្ការ ជម្ងឺរលាកថ្លើម ដូចខាងក្រោមនេះ:
- មានវ៉ាក់សាំងបង្ការជម្ងឺរលាក ថ្លើមប្រភេទអា សម្រាប់ក្រុមជនងាយ រងគ្រោះខ្លាំង ដូចជាអ្នកថែទាំពេលថ្ងៃ គិលានុប្បដ្ឋាយិកា ធ្វើការតាមផ្ទះ អ្នកធ្វើការតាមមន្ទីរពិសោធន៍ និងអ្នកដែលធ្វើដំណើរទៅកាន់ ទីកន្លែងដែលមានជម្ងឺរលាកថ្លើមច្រើន។ អាចចាក់វ៉ាក់សាំងឲ្យទារកក៏ល្អដែរ។
- មានវ៉ាក់សាំងបង្ការជម្ងឺរលាកថ្លើម ប្រភេទបេសម្រាប់ចាក់ឲ្យទារក និងកុមារអាយុក្រោម១៨ឆ្នាំ។ ក៏មានវ៉ាក់សាំងផងដែរចំពោះ មនុស្សចាស់ដែលងាយរងគ្រោះ ដូចជាអ្នកមានវិជ្ជាជីវៈខាងសុខាភិបាល អ្នកចាក់ថ្នាំញៀនតាមសរសៃ និងអ្នកដែលមានឥរិយាបទផ្លូវភេទប្រថុយប្រថាន។
- ការចាក់immunoglobuline ក៏អាចបង្ការការកើតរោគបានដែរ ជាពិសេសបើសិនជា:
- អ្នកបានប៉ះពាល់អ្នកណាម្នាក់ ដែលបានរកទៅឃើញថាមានមានជម្ងឺ រលាកថ្លើមប្រភេទអាក្នុងពេល
- ពីរសប្តាហ៍កន្លងទៅ (ដូចជាឱបថើប ប្រើសម្ភារៈរួមគ្នា) ត្រូវចាក់ភ្លាម
- ត្រូវចាក់វ៉ាក់សាំងបង្ការជម្ងឺ រលាកថ្លើមប្រភេទបេឲ្យទារកដែល កើតពីមាតាដែលមានជម្ងឺរលាកថ្លើម ប្រភេទបេ។
វិធានការផ្សេងទៀតរួមមានៈ
- ជៀសវាងការប៉ះឈាម ឬផលិតផលចេញពីឈាម ជាពិសេសបើសិននោះគឺជាការងាររបស់អ្នក
- ចៀសវាងការរួមភេទជាមួយ អ្នកកើតជម្ងឺរលាកថ្លើម ឬដែលគ្មានប្រវត្តិសុខភាពច្បាស់លាស់។ ត្រូវប្រកាន់យកការរួមភេទដោយសុវត្ថិភាពជានិច្ច។
- ត្រូវលាងដៃក្រោយពីត្រលប់មកពីបង្គន់ ឬមុនពេលបរិភោគ។
- ជៀសវាងការប្រើចាន ឧបករណ៍ ឬបន្ទប់ទឹកជាមួយអ្នកមានជម្ងឺរលាកថ្លើមប្រភេទអា។
- កុំប្រើឡាមកោរពុកមាត់ ម្ជុល ឬច្រាសដុះធ្មេញរួមគ្នា។
- នៅពេលធ្វើដំណើរទៅកាន់ទីដែលមាន រោគសូមកុំហូបអាហារដែល មិនឆ្អិនល្អ។សូមផឹកទឹកដែលដាក់ដបស្រួលបួល។
- សូមកុំប្រើថ្នាំញៀនចាក់តាមសរសៃ ហើយបើសិនជាបានប្រើហួសទៅហើយ សូមកុំប្រើម្ជុលរួមគ្នា និងប្តូរម្ជុលនៅពេលធ្វើការព្យាបាល។
- ត្រូវប្រយ័ត្ននៅពេលសាក់សាច់។
- សូមកុំសេពសុរានៅពេល ប្រើacetaminophen។ បើមានជម្ងឺរលាកថ្លើមរួចហើយ សូមកុំប្រព្រឹត្តឲ្យសោះ(ដើម្បីកុំឲ្យ ថ្លើមកាន់តែខូវទៅទៀត)។
ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
