រាជធានី​ភ្នំពេញ ៖ ក្រសួងសុខាភិបាល​បាន​ប្រកាស​នា​ព្រឹក ថ្ងៃ​ទី​២៩ ខែធ្នូ​នេះ​ថា មិន​មាន​ករណី​ជា​សះស្បើយ និង​ករណី​កើត​កូ​វី​ដ​១៩​ថ្មី​ឡើយ ។
ក្រសួង​បាន​បន្ត​ថា ចំនួន​ករណី​ជំងឺ​កូ​វី​ដ​-១៩ សរុប ៣៦៤​នាក់ ដដែល និង​ចំនួន​សម្រាល​នៅ​ពេទ្យ​នៅ​សល់ ៤​នាក់ និង​ចំនួន​ជា​សះស្បើយ​សរុប​ចំនួន ៣៦០​នាក់ ដដែល និង​ស្លាប់​គ្មាន ។

ជំងឺ​កូ​វី​ដ​-១៩ នៅ​តែ​បន្ត​គម្រាមកំហែង​យើង​ជាប់​ជា​និច្ច សូម​បងប្អូន​បន្ត​ប្រយ័ត្ន​ជាប់​ជា​និច្ច ដោយ​អនុវត្ត​អនាម័យ នៅ​ឃ្លាតឆ្ងាយ​ពី​គ្នា មិន​ចេញ​ក្រៅ​ផ្ទះ​បើ មិន​ចាំបាច់​ព្រោះ​ប្រទេស​យើង​កំពុង​រាតត្បាត​ក្នុង​សហគមន៍ និង​ប្រទេស​ជិតខាង​យើង និង​ពិភពលោក​កំពុង​បន្ត​រាតត្បាត​ជំងឺ​កូ​វី​ដ​១៩ ដ៏​ខ្លាំងក្លា​នៅឡើយ ។

យើង​ត្រូវ​បន្ត​គម្លាត​បុគ្គល​បន្ត​ទៀត ដូច​ជា អង្គុយ​គម្លាត​ពី​គ្នា ឈរ​រង​ចាំ​គម្លាត​ពី​គ្នា ឈរ​ជជែក​គ្នា​គម្លាត​ពី​គ្នា ។ ល​។ យើង​ត្រូវ​បន្ត​ពាក់​ម៉ាស់​ជាប់​ជា​និច្ច និង​ឧស្សាហ៍​លាងដៃ​ជាមួយ​សាប៊ូ អាល់កុល ឬ​ជែ​ល ៕