វាគឺជារឿងពិតមួយ ដែលពេលខ្លះ ពពួកសត្វល្អិតដូចជាព្រូនឬដង្កូវស្ថិតនៅក្នុងគ្រាប់ភ្នែករបស់មនុស្សយើងបាន ដោយសារតែមនុស្សមួយចំនួនតែងចូលចិត្តបរិភោគប្រភេទត្រីឆៅឬហៅថា shusi ឬក៏ប្រភេទបន្លែឆៅផ្សេងៗទៀត។
ការបង្ករោគដោយពពួកប៉ារ៉ាសិត (Gnathostomiasis)
នេះគឺជាការបង្ករោគដោយពពួកប៉ារ៉ាសិត ដែលបណ្តាលមកពីពងព្រូន ឬដង្កូវ ហើយភាគច្រើននៃជំងឺនេះ តែងកើតមាននៅក្នុងតំបន់អាស៊ីអាគ្នេយ៍។ ប៉ុន្តែក្នុងនោះក៏មានប៉ុន្មានករណីផ្សេងទៀត ត្រូវបានរាយការណ៍ថាបានកើតមាន នៅក្នុងតំបន់ដទៃទៀតផងដែរ។
ការបង្ករោគនេះ គឺភាគច្រើនកើតឡើងដោយសារតែការបរិភោគនូវប្រភេទអាហារដូចខាងក្រោមនេះ ៖
១-សត្វបក្សាបក្សី
២-កង្កែប
៣-អន្ទង់
៤-ត្រីដែលចម្អិនមិនបានឆ្អិនល្អ ឬត្រីឆៅ
៥-ពពួកសត្វល្មូនមានដូចជា ពស់,អណ្តើក…។ល។
តើសញ្ញា និងរោគសញ្ញានៃការបង្ករោគដោយពពួកប៉ារ៉ាសិតមានអ្វីខ្លះ?
ស្ថានភាពនេះ ត្រូវបានរកឃើញដោយការពិនិត្យឃើញមាននូវ ស្ថានភាពប៉ោងក្រោមស្បែក ប៉ុន្តែស្ថានភាពនេះក៏កើតមានរួមជាមួយនឹងសញ្ញាផ្សេងៗទៀតដូចខាងក្រោមនេះ ៖
-គ្រុនក្តៅ
-អស់កម្លាំងល្ហិតល្ហៃ
-ឈឺនៅក្នុងពោះ និងខាងស្តាំពោះផ្នែកខាងលើ ( right upper quadrant pain)
-មិនឃ្លានអាហារ
-រាគ
-ក្អួតចង្អោរ
រោគសញ្ញាទាំងនេះ នឹងកើតមានក្នុងរយៈពេល២៤ម៉ោងបន្ទាប់ពី ការបរិភោគនូវអាហារទាំងនោះ ។ នៅពេលដែលពពួកដង្កូវធ្វើដំណើរឆ្លងកាត់នៅក្នុងរាងកាយ វានឹងបណ្តាលឲ្យមានការចម្លងរោគ និងមានការឈឺចាប់ជាខ្លាំង ។
ពពួកដង្កូវទាំងនេះ អាចឆ្លងជ្រាបចូលទៅក្នុងផ្នែកដទៃទៀតនៃជាលិការាងកាយ ដូចជា៖ ថ្លើម, សសៃប្រសាទ, ខួរឆ្អឹងខ្នង , ភ្នែក ( ដែលអាចនឹងធ្វើឲ្យថមថយនូវការមើលឃើញ ឬអាចខ្វះប្រសិនបើស្ថានភាពធ្ងន់ធ្ងរ) , ចំពោះខួរក្បាល ( គឺធ្វើឲ្យមានការឈឺចាប់នៅក្នុងសសៃប្រសាទ, ពិការភាព, សន្លប់ និងថែមទាំងអាចស្លាប់ទៀតផង) ប៉ុន្តែទាំងនេះគឺជាករណីកម្របំផុត ៕