Join with Health.com.kh on Telegram

រាជធានី​ភ្នំពេញ ៖ ក្រសួងសុខាភិបាល​បាន​ប្រកាស​នៅ​ព្រឹក​ថ្ងៃ​ទី​១៦ ខែធ្នូ​នេះ​ថា បាន​ព្យាបាល​អ្នក​ឆ្លង​ជំងឺ​កូ​វី​ដ​១៩ ជា​សះស្បើយ​ចំនួន​៧​នាក់ ខណៈ​គ្មាន​អ្នក​ឆ្លង​ថ្មី​ឡើយ ។

ក្រសួង​បន្ត​ថា ករណី​ជា​សះស្បើយ​អ្នក​ឆ្លង​ជំងឺ​កូ​វី​ដ​១៩ សរុប​ចំនួន ០៧​នាក់ ដែល​មាន​ដូច​ជា ៖ ករណី​ជា​សះស្បើយ​ចំនួន ០៥​នាក់ ដែល​ជា​អ្នក​ពាក់ព័ន្ធ​ទៅ​នឹង​ព្រឹត្តិការណ៍​សហគមន៍ ២៨​វិច្ឆិកា​គឺ

១- កុមា​រា​ជនជាតិ​ខ្មែរ អាយុ ១២​ឆ្នាំ មាន​អាសយដ្ឋាន​ស្នាក់​នៅ​បុរី​ប៉េង​ហួត ផ្លូវ ៦០​ម៉ែត្រ រាជធានី ភ្នំពេញ ជា​កូនប្រុស​ស្ត្រី​អាយុ​៣៦​ឆ្នាំ និង​ជា​ចៅប្រុស​របស់​ឯកឧត្តម​អគ្គនាយក​ពន្ធនាគារ​នៃ​ក្រសួងមហាផ្ទៃ ។
២- បុរស​ជនជាតិ​ខ្មែរ អាយុ ៣៦​ឆ្នាំ មាន​អាសយដ្ឋាន​ស្នាក់​នៅ​បុរី​ប៉េង​ហួត ផ្លូវ ៦០​ម៉ែត្រ រាជធានី​ភ្នំពេញ ជា​អ្នកបើកបរ​ឲ្យ​ឯកឧត្តម​អគ្គនាយក​ពន្ធនាគារ​នៃ​ក្រសួងមហាផ្ទៃ ។

៣-​បុរស​ជនជាតិ​ខ្មែរ អាយុ ៣០​ឆ្នាំ មាន​អាសយដ្ឋាន​ស្នាក់​នៅ​សង្កាត់​និរោធ ខណ្ឌ​ច្បារ​អំពៅ រាជធានី​ភ្នំពេញ ជា​ជំនួយការ​របស់​ឯកឧត្តម​អគ្គនាយក​ពន្ធនាគារ​នៃ​ក្រសួងមហាផ្ទៃ​។
៤-​ស្ត្រីជន​ជាតិខ្មែរ អាយុ ៣៦​ឆ្នាំ មាន​អាសយដ្ឋាន​ស្នាក់​នៅ​សង្កាត់​ទួល​ទំពូង​១ ខណ្ឌចំការមន រាជធានី​ភ្នំពេញ ដែល​មាន​ស្វាមី​ជា​អនុប្រធាន​នាយកដ្ឋាន​ពន្ធនាគារ​នៃ​ក្រសួងមហាផ្ទៃ​។
៥- បុរស​ជនជាតិ​ខ្មែរ អាយុ ២២​ឆ្នាំ មាន​អាសយដ្ឋាន​ស្នាក់​នៅ​សង្កាត់​ចាក់​អង្រែ​លើ ខណ្ឌមានជ័យ រាជធានី​ភ្នំពេញ ជា​បុគ្គលិក​ហាង Pedro ផ្លូវ​ព្រះ​សីហ​នុ ។

ក្រសួង​ក៏​បាន​ឲ្យ​ដឹង​ថា​ចំពោះ ករណី​ជា​សះស្បើយ​ចំនួន​០២​នាក់ ដែល​ជា​អ្នក​មិន​ពាក់ព័ន្ធ​ទៅ​នឹង​ព្រឹត្តិការណ៍​សហគមន៍ ២៨​វិច្ឆិកា គឺ ៖

ស្ត្រីជន​ជាតិខ្មែរ​អា​មេ​រិ​ក​កាំ​ង​អាយុ ៦២​ឆ្នាំ មាន​អាសយដ្ឋាន​ស្នាក់​នៅ​សង្កាត់​ទួល​សង្កែ ខណ្ឌ​ឬ​ស្សី​កែវ រាជធានី​ភ្នំពេញ​បាន​ធ្វើ​ដំណើរ​មក​ពី​សហរដ្ឋអាមេរិក​បន្ត​ជើងហោះហើរ​នៅ​ប្រទេស​កូរ៉េ​ខាងត្បូង មក​ដល់​កម្ពុជា នៅ​ថ្ងៃ​ទី​២៦ ខែវិច្ឆិកា ឆ្នាំ​២០២០ ត្រូវ​បាន​ព្យាបាល​ជា​សះស្បើយ ដោយ​ទទួល​បាន​លទ្ធផល​តេស្ត អវិជ្ជមាន វីរុស​កូ​វី​ដ​-១៩ ចំនួន ០២​ដង និង​ត្រូវ​បាន​អនុញ្ញាត​ឲ្យ​ចេញពី​មន្ទីរពេទ្យ​មិត្តភាព​ខ្មែរ​-​សូ​វៀត រាជធានី​ភ្នំពេញ​។
បុរស​ជនជាតិ​អា​មេ​រិ​ក​កាំ​ង អាយុ ៤២​ឆ្នាំ មាន​អាសយដ្ឋាន​ស្នាក់​នៅ​សង្កាត់​ទឹកថ្លា ខណ្ឌ​សែន​សុខ​រាជធានី​ភ្នំពេញ ជា​អ្នកដំណើរ​មក​ពី​ប្រទេស​ចិន តាម​ជើងហោះហើរ មក​ដល់​កម្ពុជា នៅ​ថ្ងៃ​ទី​២០ ខែវិច្ឆិកា ឆ្នាំ ២០២០ ត្រូវ​បាន​ព្យាបាល​ជា​សះស្បើយ ដោយ​ទទួល​បាន​លទ្ធផល​តេស្ត អវិជ្ជមាន​វីរុស​កូ​វី​ដ​-១៩ ចំនួន​២​ដង និង​ត្រូវ​បាន​អនុញ្ញាត​ឲ្យ​ចេញពី​មន្ទីរពេទ្យ​មិត្តភាព​ខ្មែរ​-​សូ​វៀត រាជធានី​ភ្នំពេញ​។

ក្រសួង​បាន​ឲ្យ​ដឹង​ថា អ្នក​ដែល​ជំងឺ​កូ​វី​ដ​១៩ កំពុង​សម្រាក​ព្យាបាល​មាន​សរុប​ចំនួន​៤៣​នាក់ ស្រី​១៩​នាក់​បុរស​២៥​នាក់ ។ អ្នក​ព្យាបាល​ជា​សះស្បើយ​មាន​ចំនួន​៣១៩​នាក់ ក្នុង​ចំណោម​អ្នកមាន​ជំងឺ​កូ​វី​ដ​១៩​សរុប​ចំនួន​៣៦២​នាក់​ផង​ដែរ ៕