រាជធានី​ភ្នំពេញ ៖ ក្រសួងសុខាភិបាល​បាន​ប្រកាស​ព្រឹក​ថ្ងៃ​ទី​០៥ ខែធ្នូ​នេះ​ថា មាន​ករណី​វិជ្ជមាន​វីរុស​កូ​វី​ដ​-១៩ ថ្មី​ចំនួន​១០​នាក់ ក្នុង​នោះ​៦​នាក់ ជា​អ្នក​ពាក់ព័ន្ធ​ព្រឹត្តិការណ៍​សហគមន៍​២៨​វិច្ឆិកា និង​៤​នាក់ ជា​អ្នកដំណើរ​ចូល​មក​កម្ពុជា​មិន​ពាក់ព័ន្ធ​ព្រឹត្តិការណ៍​សហគមន៍​២៨ វិច្ឆិកា​ទេ និង​មាន​ករណី​ជា​សះស្បើយ​ចំនួន​១​នាក់ ។

ក្រសួង​បាន​បន្ត​ថា អ្នក​ដែល​ពាក់ព័ន្ធ​ព្រឹត្តិការណ៍​សហគមន៍​២៨ វិច្ឆិកា ដែល​រក​ឃើញ​វិជ្ជមាន​កូ​វី​ដ​១៩ មាន​៦​នាក់​មាន ៖
១៖ ស្ត្រីជន​ជាតិខ្មែរ ឈ្មោះ Muy Sopheavy អាយុ​២២​ឆ្នាំ ស្នាក់​នៅផ្ទះ​ជួល​ខណ្ឌ​ច្បារ​អំពៅ រាជធានី​ភ្នំពេញ​។
២៖ ស្ត្រីជន​ជាតិខ្មែរ ឈ្មោះ Yeak Chantha អាយុ​២៨​ឆ្នាំ ស្នាក់​នៅផ្ទះ​លេខ ២៣៦ ផ្លូវ​លេខ​៦៣៨ ភូមិ​ម៉ាក់​ក្លឿ​ង សង្កាត់​ច្បារ​អំពៅ​១ ខណ្ឌ​ច្បារ​អំពៅ ។
៣៖ បុរស​ជនជាតិ​ខ្មែរ ឈ្មោះ Cheak Chanrath អាយុ​២០​ឆ្នាំ ស្នាក់​នៅ​សង្កាត់​ត្រឡោក​បែក ៣ ខណ្ឌទួលគោក ។
៤៖ ស្ត្រីជន​ជាតិខ្មែរ​ឈ្មោះ Pho Dolla អាយុ​២៤​ឆ្នាំ ស្នាក់​នៅ​សង្កាត់​ទន្លេបាសាក់ ខណ្ឌចំការមន ។
៥៖ បុរស​ជនជាតិ​ខ្មែរ ឈ្មោះ Khan Veha អាយុ​២៣​ឆ្នាំ ស្នាក់​នៅ​ជិត​ស្តុ​ប Nokia ខណ្ឌ​សែន​សុខ ។
៦៖ ស្ត្រីជន​ជាតិខ្មែរ ឈ្មោះ Kouch Davin អាយុ​២៣​ឆ្នាំ ស្នាក់​ផ្ទះ​លេខ E53 ភូមិ​តា​ងួ​ន សង្កាត់​កំ​បូល ខណ្ឌ​កំ​បូល​។
ចំពោះ​អ្នក​ទាំង​៦​នាក់​នេះ​ត្រូវ​បាន​ដាក់​ឲ្យ​សម្រាក​ព្យាបាល នៅ​មន្ទីរពេទ្យ​មិត្តភាព​ខ្មែរ​សូ​វៀត ៥​នាក់ និង​ម្នាក់​ទៀត​ដាក់​ឲ្យ​សម្រាក​ព្យាបាល នៅ​មណ្ឌល​សុខភាព​ចាក់​អង្រែ ។

ចំណែក​អ្នក​ធ្វើ​ដំណើរ​មក​ពី​ក្រៅប្រទេស​ទាំង​៤​នាក់ ដែល​រក​ឃើញ​វិជ្ជមាន​កូ​វី​ដ​១៩ រួម​មាន ៖
១៖ បុរស​ជនជាតិ​ខ្មែរ​ឈ្មោះ ម៉ី​វ សុគន្ធ អាយុ​៧៥​ឆ្នាំ ស្នាក់​នៅ​សង្កាត់​ផ្សារ​ថ្មី ខណ្ឌដូនពេញ រាជធានី​ភ្នំពេញ ជា​អ្នកដំណើរ​មក​ពី​ប្រទេស​ចិន មក​ដល់​កម្ពុជា​នៅ​ថ្ងៃ​ទី​២០ ខែវិច្ឆិកា ឆ្នាំ​២០២០ ដែល​លទ្ធផល​ធ្វើតេស្ត​វត្ថុ​សំណាក​លើក​ទី​២ នៅ​ថ្ងៃ​ទី​១៣ នៃ​ការ​ធ្វើ​ច​ត្តា​ឡី​ស័ក​របស់​បុរស​នេះ ដែល​ផ្តល់​ដោយ​វិទ្យាស្ថាន​ប៉ាស្ទ័រ​កម្ពុជា រាជធានី​ភ្នំពេញ គឺ វិជ្ជមាន​វីរុស​កូ​វី​ដ​-១៩ ហើយ​បច្ចុប្បន្ន អ្នកជំងឺ​ត្រូវ​បាន​ដាក់​ឱ្យ​សម្រាក​ព្យាបាល​នៅ​មន្ទីរពេទ្យ​មិត្តភាព​ខ្មែរ​-​សូ​វៀត រាជធានី​ភ្នំពេញ​។

២៖ បុរស​ជនជាតិ​អា​មេ​រិ​ក​ឈ្មោះ KAW THIKUN អាយុ​៥៩​ឆ្នាំ ស្នាក់​នៅ​សង្កាត់​ផ្សារ​ថ្មី ខណ្ឌដូនពេញ រាជធានី​ភ្នំពេញ ជា​អ្នកដំណើរ​មក​ពី​ប្រទេស​ចិន មក​ដល់​កម្ពុជា​នៅ​ថ្ងៃ​ទី​២០ ខែវិច្ឆិកា ឆ្នាំ ២០២០ ដែល​លទ្ធផល​ធ្វើតេស្ត​វត្ថុ​សំណាក​លើក​ទី​២ នៅ​ថ្ងៃ​ទី​១៣​នៃ​ការ​ធ្វើ​ច​ត្តា​ឡី​ស័ក​របស់​បុរស​នេះ ដែល​ផ្តល់​ដោយ​វិទ្យាស្ថាន​ប៉ាស្ទ័រ​កម្ពុជា រាជធានី​ភ្នំពេញ គឺ វិជ្ជមាន​វីរុស​កូ​វី​ដ​-១៩ ហើយ​បច្ចុប្បន្ន អ្នកជំងឺ ត្រូវ​បាន​ដាក់​ឱ្យ​សម្រាក​ព្យាបាល​នៅ​មន្ទីរពេទ្យ​មិត្តភាព​ខ្មែរ​-​សូ​វៀត រាជធានី​ភ្នំពេញ​។

៣៖ បុរស​ជនជាតិ​អា​មេ​រិ​ក​ឈ្មោះ SHAWN THACH អាយុ​៤២​ឆ្នាំ ស្នាក់​នៅ​សង្កាត់​ទឹកថ្លា ខណ្ឌ​សែន​សុខ រាជធានី​ភ្នំពេញ ជា​អ្នកដំណើរ​មក​ពី​ប្រទេស​ចិន មក​ដល់​កម្ពុជា​នៅ​ថ្ងៃ​ទី ២០ ខែវិច្ឆិកា ឆ្នាំ​២០២០ ដែល​លទ្ធផល​ធ្វើតេស្ត​វត្ថុ​សំណាក​លើក​ទី​២ នៅ​ថ្ងៃ​ទី​១៣ នៃ​ការ​ធ្វើ​ច​ត្តា​ឡី​ស័ក របស់​បុរស​នេះ ដែល​ផ្តល់​ដោយ​វិទ្យាស្ថាន​ប៉ាស្ទ័រ​កម្ពុជា រាជធានី​ភ្នំពេញ គឺ វិជ្ជមាន​វីរុស​កូ​វី​ដ​-១៩ ហើយ​បច្ចុប្បន្ន អ្នកជំងឺ​ត្រូវ​បាន​ដាក់​ឱ្យ​សម្រាក​ព្យាបាល នៅ​មន្ទីរពេទ្យ​មិត្តភាព​ខ្មែរ​-​សូ​វៀត រាជធានី​ភ្នំពេញ​។

៤៖ បុរស​ជនជាតិ​អា​មេ​រិ​ក​ឈ្មោះ OUM CHANDARA អាយុ ៤៩​ឆ្នាំ ស្នាក់​នៅ​រាជធានី​ភ្នំពេញ ជា​អ្នកដំណើរ​មក​ពី​សហរដ្ឋអាមេរិក បន្ត​ជើងហោះហើរ​នៅ​ប្រទេស​ចិន (​តៃវ៉ាន់​) មក​ដល់​កម្ពុជា​នៅ​ថ្ងៃ​ទី​០៤ ខែធ្នូ ឆ្នាំ​២០២០ ដែល​លទ្ធផល​ធ្វើតេស្ត​វត្ថុ​សំណាក​របស់​បុរស​នេះ ដែល​ផ្តល់​ដោយ វិទ្យាស្ថាន​ប៉ាស្ទ័រ​កម្ពុជា រាជធានី​ភ្នំពេញ គឺ វិជ្ជមាន​វីរុស​កូ​វី​ដ​-១៩ ហើយ​បច្ចុប្បន្ន អ្នកជំងឺ​ត្រូវ​បាន​ដាក់​ឱ្យ សម្រាក​ព្យាបាល​នៅ​មណ្ឌល​សុខភាព​ចាក់​អង្រែ រាជធានី​ភ្នំពេញ​។

សូម​បញ្ជាក់ ៖ គិត​ត្រឹម​ម៉ោង​០៧​និង​០០​ព្រឹក ថ្ងៃ​ទី​០៥ ខែធ្នូ ឆ្នាំ​២០២០ នៅ​កម្ពុជា​មាន​អ្នក​ឆ្លង​វីរុស​កូ​វី​ដ​-១៩ ចំនួន​សរុប ៣៤៥​នាក់ (​ស្ត្រី ៨០​នាក់ និង​បុរស ២៦៥​នាក់​) ក្នុង​នោះ​ចំនួន​អ្នក​ព្យាបាល​ជា​សះស្បើយ​សរុប​ទូ​ទាំង​ប្រទេស មាន​ចំនួន ៣០៥​នាក់ និង​អ្នក​សម្រាក​ព្យាបាល​នៅ​មន្ទីរពេទ្យ​មិត្តភាព​ខ្មែរ​-​សូ​វៀត រាជធានី​ភ្នំពេញ​ចំនួន​៣៤​នាក់ និង​អ្នក​សម្រាក​ព្យាបាល នៅ​មណ្ឌល​សុខភាព​ចាក់​អង្រែ រាជធានី​ភ្នំពេញ ចំនួន​០៦​នាក់ ៕