បណ្ណាល័យវេជ្ជសាស្ត្រជាតិអាមេរិក (U.S. National Library of Medicine) និយាយថា ការគេង គឺជាដំណើរការជីវសាស្រ្តដ៏ស្មុគស្មាញមួយ ដែលជួយឱ្យអ្នកមានសុខភាពល្អ និងមានអារម្មណ៍ថាបានសម្រាក។

(អាន:ថ្នាំងងុយគេង ពេលអ្នកគួរប្រើ)

ទីភ្នាក់ងារនេះបានបន្ថែមថា ការគេងមិនបានគ្រប់គ្រាន់ អាចបង្កឱ្យមានជំងឺ សកម្មភាពប្រចាំថ្ងៃចុះខ្សោយ បាត់បង់ការចងចាំ និងបញ្ហាសុខភាពដទៃទៀត។

ខាងក្រោមនេះ គឺជាយោបល់ដ៏ល្អសម្រាប់ជួយអ្នកឱ្យគេងបានគ្រប់គ្រាន់ ៖

  • ចូលគេងហើយ ភ្ញាក់ពីគេងវិញក្នុងពេលតែមួយជារៀងរាល់ថ្ងៃ។
  • ជៀសវាងជាតិកាហ្វេអ៊ីន ជាពិសេសនៅពេលរសៀល និងពេលល្ងាច។
  • ជៀសវាងជាតិនីកូទីន។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?

  • ធ្វើលំហាត់ប្រាណឱ្យបានទៀងទាត់ ប៉ុន្តែគួរចៀសវាងការធ្វើលំហាត់ប្រាណជិតចូលគេង។
  • ជៀសវាងភេសជ្ជៈមានជាតិអាល់កុលមុនពេលចូលគេង។
  • ជៀសវាងការញ៉ាំអាហារ និងភេសជ្ជៈច្រើនពេកនៅពេលយប់។
  • កុំគេងលក់ បន្ទាប់ពីម៉ោង ៣ រសៀល។
  • សម្រាកមុនពេលចូលគេង។
  • រក្សាសីតុណ្ហភាពនៅក្នុងបន្ទប់របស់អ្នកឱ្យត្រជាក់ល្មម។
  • លុបបំបាត់ការរំខាន ដូចជាសំលេងរំខាន ពន្លឺភ្លឺខ្លាំង និងទូរទស្សន៍ កុំព្យូទ័រ ឬទូរស័ព្ទនៅក្នុងបន្ទប់គេង។
  • ទទួលពន្លឺថ្ងៃបានគ្រប់គ្រាន់នៅពេលថ្ងៃ។
  • កុំគេងនៅលើគ្រែ ប្រសិនបើអ្នកគេងមិនលក់។ ប្រសិនបើអ្នកមិនអាចគេងបាន ២០ នាទី ចូរក្រោកឡើង ហើយធ្វើអ្វីមួយដែលបន្ធូរអារម្មណ៍។
  • ទៅជួបគ្រូពេទ្យ ប្រសិនបើអ្នកនៅតែបន្តគេងមិនលក់។ អ្នកអាចមានបញ្ហាដំណេក៕