ថ្នាំព្យាបាលជំងឺផ្លូវចិត្តគួរតែឈប់ប្រើដោយបន្ថយកម្រិតថ្នាំយឺតៗ យ៉ាងហោចណាស់បួនសប្តាហ៍។ អ្នកគួរតែនិយាយទៅកាន់គ្រូពេទ្យដែលបានចេញវេជ្ជបញ្ជា ឬឳសថការីប្រសិនបើអ្នកកំពុងគិតថាបញ្ឈប់ការប្រើថ្នាំរបស់អ្នក។

(អាន:ថ្នាំងងុយគេង ពេលអ្នកគួរប្រើ)

ថ្នាំផ្លូវចិត្តមិនមែនជាថ្នាំញៀននោះទេ តែពួកវាអាចបណ្តាលឲ្យមានរោគសញ្ញាធ្ងន់ធ្ងរ ប្រសិនបើបញ្ឈប់ការប្រើប្រាស់ឆាប់រហ័សពេក។ រោគសញ្ញាទាំងនេះអាចមានអាការៈដូច ឬស្រដៀងគ្នាទៅនឹងរោគសញ្ញាមួយចំនួននៃជំងឺរបស់អ្នកកាលពីមិនទាន់ព្យាបាល។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

វាអាចមានដូចជា៖

• អាការៈដូចជាជំងឺផ្តាសាយ (ញាក់ ឈឺសាច់ដុំ បែកញើសច្រើន ចង្អោរ និងឈឺក្បាល)
• គេងមិនលក់
• វិលមុខ
• ឆាប់ខឹង
• ទុក្ខព្រួយ
• បញ្ហានៃការគេង និងចលនា។

ការចាប់ផ្តើមនៃរោគសញ្ញានេះ ជាធម្មតាក្នុងរយៈពេលប្រាំថ្ងៃ បន្ទាប់ពីបញ្ឈប់ការប្រើថ្នាំ ហើយនឹងបន្តនៅពីរបីថ្ងៃបន្ទាប់។

ប្រសិនបើរោគសញ្ញាធ្ងន់ធ្ងរ គេអាចប្រើថ្នាំប្រភេទផ្សេងទៀតពីក្រុមថ្នាំដូចគ្នាមកជំនួសឲ្យថ្នាំចាស់ និងការកាត់បន្ថយកម្រិតវាយឺតៗ ឬបញ្ឈប់ទាំងស្រុង ហើយគ្រប់គ្រងលើរោគសញ្ញារបស់អ្នក៕