ការរក្សាទម្ងន់ឱ្យមានសុខភាពល្អ និងការជ្រើសរើសរបៀបរស់នៅបែបឆ្លាតវៃផ្សេងទៀត ដូចជាការដាក់កម្រិតការញ៉ាំសាច់កែច្នៃ និងគ្រឿងស្រវឹងអាចកាត់បន្ថយហានិភ័យជំងឺមហារីករហូតដល់ ៤០% នេះបើយោងតាមរបាយការណ៍ថ្មីរបស់មូលនិធិស្រាវជ្រាវជំងឺមហារីកមិនរកប្រាក់ចំណេញពិភពលោក (WCRF)។

(អាន:ថ្នាំងងុយគេង ពេលអ្នកគួរប្រើ)

WCRF ធ្វើបច្ចុប្បន្នភាពអនុសាសន៍របស់ខ្លួនសម្រាប់ការការពារជំងឺមហារីកម្តងរៀងរាល់ ១០ ឆ្នាំម្តង។ គោលការណ៍ណែនាំថ្មីដែលនឹងត្រូវបង្ហាញនៅឯសភាអ៊ឺរ៉ុបស្តីពីភាពធាត់ជ្រុលនៅទីក្រុង Vienna ផ្អែកលើការពិនិត្យទិន្នន័យពីមនុស្ស ៥១ លាននាក់ ដែលក្នុងនោះមានករណីមហារីក ៣,៥ លាននាក់។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?

ការរកឃើញពីការពិនិត្យចុងក្រោយនេះភាគច្រើនស្របទៅនឹងការវិភាគពីមុនដែលបានធ្វើក្នុងឆ្នាំ ១៩៩៧ និង ២០០៧។ ប៉ុន្តែគោលការណ៍ណែនាំថ្មីផ្តល់នូវរូបភាពច្បាស់បំផុត និងទាន់សម័យបំផុតដែលកត្តានៃរបៀបរស់នៅជះឥទ្ធិពលដល់ការអភិវឌ្ឍជំងឺមហារីក។ ពួកគេក៏បានផ្តល់នូវវិធីជាក់ស្តែងចំនួន ១០ ដែលមនុស្សអាចកាត់បន្ថយហានិភ័យផ្ទាល់ខ្លួនរបស់ពួកគេ។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?

បណ្ឌិត Bandera មានប្រសាសន៍ថា “នេះគឺជាការបញ្ជាក់ពីអ្វីដែលយើងបានដឹងហើយ។ ហើយវាសំខាន់ ពីព្រោះវាពាក់ព័ន្ធនឹងវិធីសាស្រ្តហ្មត់ចត់នេះដោយពិនិត្យមើលរាល់ភស្តុតាងដែលអាចមាន និងទិន្នន័យដែលមានគុណភាពល្អបំផុតដែលយើងមាន”។

ប្រហែលមួយនាក់ក្នុងចំណោមអ្នកស្លាប់ ៦ នាក់ក្នុងមួយឆ្នាំៗ នៅទូទាំងពិភពលោកបច្ចុប្បន្ន គឺដោយសារជំងឺមហារីក ហើយចំនួននេះត្រូវបានគេរំពឹងថានឹងកើនឡើង ៥៨% នៅឆ្នាំ ២០៣៥ ដោយសារប្រទេសជាច្រើនប្រកាន់យករបៀបរស់នៅបែបលោកខាងលិច។

ដើម្បីកាត់បន្ថយហានិភ័យផ្ទាល់ខ្លួនរបស់អ្នកទៅនឹងជំងឺមហារីក WCRF សូមណែនាំនូវជំហ៊ានទាំង ១០ ខាងក្រោម ៖

  • រក្សាទម្ងន់ដែលមានសុខភាពល្អ
  • ដើរច្រើន ហើយអង្គុយតិច
  • បរិភោគធញ្ញជាតិ បន្លែ ផ្លែឈើ និងសណ្តែកឱ្យបានច្រើន
  • ជៀសវាងអាហារដែលមានកាឡូរីខ្ពស់
  • កំណត់ការប្រើប្រាស់សាច់ក្រហម និងសាច់កែច្នៃ
  • កំណត់ការប្រើប្រាស់ភេសជ្ជៈដែលមានជាតិស្ករ
  • កុំផឹកស្រា
  • កុំពឹងផ្អែកលើថ្នាំបំប៉ន ដើម្បីការពារប្រឆាំងនឹងជំងឺមហារីក
  • បំបៅកូនរបស់អ្នករយៈពេលប្រាំមួយខែ
  • បន្តអនុវត្តតាមការណែនាំរបស់ភ្នាក់ងារនេះ បន្ទាប់ពីធ្វើរោគវិនិច្ឆ័យជំងឺមហារីក៕