ស្ត្រីដែលមានរោគគេងមិនដកដង្ហើម (OSA) ងាយនឹងវិវត្តទៅជាជំងឺមហារីកជាងបុរសដែលមានជំងឺនេះ។ នេះបើយោងតាមរបាយការណ៍ដែលត្រូវបានចេញផ្សាយនៅក្នុងកាសែត European Respiratory Journal។

(អាន:ថ្នាំងងុយគេង ពេលអ្នកគួរប្រើ)

រោគគេងមិនដកដង្ហើម (OSA)  គឺជាប្រភេទនៃការគេងមិនដកដង្ហើមទូទៅបំផុត ហើយវាបណ្តាលឱ្យដង្ហើមរបស់មនុស្សម្នាក់ឈប់ ហើយចាប់ផ្តើមវិញពេញមួយយប់។ អ្នកដែលមានការគេងមិនដកដង្ហើមច្រើនតែភ្ញាក់ពីដំណេកញាក់ ឬដង្ហក់ខ្យល់ ហើយជារឿយៗឈឺបំពង់ក ឬស្ងួតមាត់។ រោគគេងមិនដកដង្ហើម ក៏អាចបណ្តាលឱ្យកម្រិតអុកស៊ីសែនក្នុងឈាមធ្លាក់ចុះ ហើយវាត្រូវបានផ្សារភ្ជាប់ជាមួយនឹងបញ្ហាសុខភាពមួយចំនួនដូចជាការឈឺក្បាលពេលព្រឹក សម្ពាធឈាមខ្ពស់ ស្រមុកខ្លាំង ងងុយគេងពេលថ្ងៃច្រើនពេក ពិបាកផ្តោតអារម្មណ៍ ធ្លាក់ទឹកចិត្ត ឆាប់ខឹង ថយចុះចំណង់ផ្លូវភេទ និងបែកញើសពេលយប់។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?

ឥឡូវ អ្នកស្រាវជ្រាវក៏ជឿថា មានទំនាក់ទំនងរវាងរោគគេងមិនដកដង្ហើម និងការវិវត្តនៃជំងឺមហារីក ជាពិសេសចំពោះស្ត្រី។ នៅក្នុងការស្រាវជ្រាវថ្មី ក្រុមអ្នកស្រាវជ្រាវអន្តរជាតិបានវិភាគទិន្នន័យលើជនជាតិអឺរ៉ុបជិត ២០ ០០០ នាក់ ដែលត្រូវបានគេធ្វើរោគវិនិច្ឆ័យថា មានជំងឺគេងមិនដកដង្ហើម។ អ្នកជំងឺប្រហែលជា ៥ ៨០០ នាក់ដែលបានសិក្សា គឺជាស្ត្រី ហើយប្រហែលជា ១៤ ០០០ នាក់គឺជាបុរស។

ក្នុងកំឡុងពេលសិក្សា មានស្ត្រី ២,៨% ប៉ុន្តែមានតែបុរស ១,៧% ប៉ុណ្ណោះដែលកើតជំងឺមហារីកធ្ងន់ធ្ងរ។ ជំងឺមហារីកសុដន់ គឺជាជំងឺមហារីកទូទៅបំផុតក្នុងចំណោមស្ត្រីទាំងនេះ។

ក្រុមអ្នកស្រាវជ្រាវបានយកកត្តាពិចារណាដែលអាចរួមចំណែកដល់ការវិវត្តនៃជំងឺមហារីករួមមានការទទួលទានសុរា សន្ទស្សន៍ម៉ាស់រាងកាយ អាយុ និងស្ថានភាពជក់បារី។ ប៉ុន្តែ សូម្បីតែបន្ទាប់ពីគ្រប់គ្រងលើកត្តាទាំងនោះក៏ដោយ ក៏ពួកគេបានរកឃើញថា ជំងឺមហារីកនៅតែកើតមានជាទូទៅ ចំពោះអ្នកកើតរោគគេងមិនដកដង្ហើម ជាស្ត្រីជាងអ្នកកើតរោគគេងមិនដកដង្ហើមបុរស។

អ្នកដឹកនាំការសិក្សា វេជ្ជបណ្ឌិត Athanasia Pataka បាននិយាយនៅក្នុងសេចក្តីថ្លែងការណ៍មួយថា ក្រុមរបស់នាងបានរកឃើញថា រោគគេងមិនដកដង្ហើម អាចជាសូចនាករមួយនៃការធ្វើរោគវិនិច្ឆ័យជំងឺមហារីកនាពេលអនាគតចំពោះស្ត្រី។ ទោះជាយ៉ាងណាក៏ដោយ វាក៏ត្រូវការការស្រាវជ្រាវបន្ថែមទៀត ដើម្បីបញ្ជាក់ពីការរកឃើញរបស់ក្រុមនាង៕