ប្រសិនបើអ្នកមានអារម្មណ៍ថា បានលឺព័ត៌មានប្លែកៗ អ្នកមិននៅម្នាក់ឯងទេ។ ប៉ុន្តែការការពារខ្លួនអ្នកពីជំងឺមហារីកគឺមានភាពស្មុគស្មាញជាងការហាមឃាត់ការញ៉ាំសាច់និងសាច់អាំងពីរបបអាហាររបស់អ្នក។

(អាន:ថ្នាំងងុយគេង ពេលអ្នកគួរប្រើ)

អង្គការសុខភាពពិភពលោក (WHO) បានធ្វើការប្រកាសគ្រាប់បែកមួយកាលពីម្សិលមិញដែលបានធ្វើឱ្យអ្នកចូលចិត្តញ៉ាំសាច់ជ្រូកបីជាន់ជាច្រើនកំពុងវិលមុខ។

បើនិយាយឱ្យខ្លី ក្រុមអ្នកជំនាញបានធ្វើការពិនិត្យដ៏ទូលំទូលាយលើការសិក្សាដែលមើលទៅលើការផ្សារភ្ជាប់គ្នារវាងសាច់កែច្នៃ ឬសាច់ក្រហម និងមហារីក។ ពួកគេបានប្រកាសថា សាច់កែច្នៃ គឺពិតជាសារធាតុបង្កជំងឺមហារីកដែលមានតំណភ្ជាប់ដ៏មានឥទ្ធិពលបំផុតចំពោះជំងឺមហារីកពោះវៀនធំ។ ផ្អែកលើទិន្នន័យដែលបានពិនិត្យឡើងវិញ ពួកគេបានរកឃើញថា រាល់ចំណែកនៃសាច់កែច្នៃចំនួន ៥០ ក្រាមរាល់ថ្ងៃនោះគឺសាច់ដែលត្រូវបានប្រឡាក់ មានជាតិប្រៃ ខ្លោច ឬរក្សាទុកយូរ រួមទាំងហើយសាច់ហាំប័រហ្គ័រ និងសាច់ក្រកអាចបង្កើនហានិភ័យនៃជំងឺមហារីកពោះវៀនធំរហូតដល់ ១៨ % ។ អង្គការសុខភាពពិភពលោកនិយាយថា វាប្រាកដណាស់ថា អាហារទាំងនេះបណ្តាលឱ្យមានជំងឺមហារីក ដូចដែលពួកគេប្រាកដថា បារី អាចបង្កជំងឺមហារីក។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?

ការរកឃើញរបស់ពួកគេក៏បានជំរុញពួកគេឱ្យបែងចែកប្រភេទសាច់ក្រហម (ដូចជាសាច់គោ សាច់ជ្រូក និងសាច់ចៀម) ថាជា “ប្រហែលជាសារជាតិបង្កមហារីក”។ ភស្តុតាងដែលភ្ជាប់សាច់ក្រហមទៅនឹងជំងឺមហារីក គឺមិនខ្លាំងដូចសាច់កែច្នៃទេ។

ការពិត អ្នកជំនាញខាងជំងឺមហារីកអាចនិយាយបានថា សាច់ជ្រូកបីជាន់ និងសាច់កែច្នៃផ្សេងៗទៀត ឥឡូវស្ថិតនៅក្នុងទូកគ្រោះថ្នាក់ដូចបារី។ ប៉ុន្តែភាពញឹកញាប់ពិតជាដើរតួយ៉ាងសំខាន់។ អ្នកកាន់តែប្រឈមនឹងអ្វីនៅក្នុងប្រភេទនេះកាន់តែច្រើន ហានិភ័យកាន់តែច្រើន។ ដូច្នេះទីបំផុតវាអាស្រ័យលើអ្នកក្នុងការសំរេចថាតើអ្នកចង់ញ៉ាំអាហារទាំងនេះ ហើយបើដូច្នេះតើវាញឹកញាប់ប៉ុណ្ណា។

ដំបូន្មានល្អបំផុតសម្រាប់អ្នកចូលចិត្តសាច់ជ្រូកបីជាន់ ខ្ញុំណែនាំពួកគេឱ្យគិតពីសាច់កែច្នៃជាការញ៉ាំម្តងម្កាល។ នោះអាចមានន័យថា ញ៉ាំសាច់ជ្រូកបីជាន់ចំនួនតិចតួចនៅពេលអាហារពេលព្រឹកថ្ងៃអាទិត្យ ឬនំភីហ្សានីនីមួយដុំនៅរាត្រីថ្ងៃសុក្រ ប៉ុន្តែមិនមែនញ៉ាំទាំងពីរក្នុងមួយសប្តាហ៍ទេ។

ខ្ញុំសូមណែនាំផងដែរឱ្យពួកគេញ៉ាំសាច់ក្រហមសរុបមិនលើសពី ៥១០ ក្រាមក្នុងមួយសប្តាហ៍ដោយគ្មានខ្លាញ់  ដែលជាអនុសាសន៍របស់វិទ្យាស្ថានអាមេរិកសម្រាប់ការស្រាវជ្រាវជំងឺមហារីក។ យុទ្ធសាស្ត្រសាមញ្ញទាំងពីរនេះទំនងជានឹងបង្កើតតុល្យភាពខ្លះ និងជួយកាត់បន្ថយហានិភ័យជំងឺមហារីកផងដែរ៕