ការផ្សារភ្ជាប់គ្នារវាងជំងឺមហារីក និងការធាត់
អ្នកអាចគិតថាការឡើងទម្ងន់បន្ថែមគ្រោះថ្នាក់ដល់បេះដូង កម្រិតថាមពល ឬសូម្បីតែសន្លាក់របស់អ្នក ប៉ុន្តែអ្នកប្រហែលជាមិនបានដឹងច្រើនអំពីតួនាទីនៃទម្ងន់រាងកាយដែលមានហានិភ័យទេ ហើយនោះគឺជាជំងឺមហារីក។ វេជ្ជបណ្ឌិត Neil Iyengar អ្នកស៊ើបអង្កេតនៅមូលនិធិស្រាវជ្រាវជំងឺមហារីកសុដន់ និងគ្រូពេទ្យដែលចូលរួមនៅមហាវិទ្យាល័យ Memorial Sloan Kettering Cancer មានប្រសាសន៍ថា “ក្នុងរយៈពេលប៉ុន្មានឆ្នាំចុងក្រោយនេះ ទំនាក់ទំនងរវាងការលើសទម្ងន់ និងជំងឺមហារីកពិតជាបានចាប់ផ្តើមឈានដល់សាយភាយដល់ទីសាធារណៈហើយ”។
(អាន:ថ្នាំងងុយគេង ពេលអ្នកគួរប្រើ)
នៅសហរដ្ឋអាមេរិក ជារៀងរាល់ឆ្នាំ ជំងឺមហារីកថ្មីចំនួន ២៨ ០០០ ត្រូវបានគេធ្វើរោគវិនិច្ឆ័យឃើញលើបុរស និង ៧២ ០០០ នាក់ចំពោះស្ត្រី គឺដោយសារតែការលើសទម្ងន់ ឬធាត់ជ្រុលនេះ បើយោងតាមវិទ្យាស្ថានជំងឺមហារីកជាតិ (NCI) ។ នៅទូទាំងពិភពលោក ជំងឺមហារីកជាង ៥៤៤ ០០០ ធ្វើរោគវិនិច្ឆ័យឃើញមាន ៣,៩ ភាគរយដោយសារទម្ងន់លើស នេះបើយោងតាមរបាយការណ៍ថ្មីមួយរបស់សមាគមន៍ជំងឺមហារីកអាមេរិក។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ជាការពិត ការលើសទម្ងន់ ឬធាត់ត្រូវបានផ្សារភ្ជាប់ទៅនឹងហានិភ័យខ្ពស់នៃជំងឺមហារីក ១៣ ប្រភេទផ្សេងៗគ្នាដូចដែលត្រូវបានកំណត់នៅក្នុងការពិនិត្យឡើងវិញឆ្នាំ ២០១៦ ពីក្រុមការងារដែលប្រមូលផ្តុំដោយទីភ្នាក់ងារអន្តរជាតិសម្រាប់ការស្រាវជ្រាវជំងឺមហារីក។ ជំងឺមហារីកដែលទាក់ទងនឹងការធាត់លើសទម្ងន់ឥឡូវនេះមានចំនួន ៤០% នៃជំងឺមហារីកទាំងអស់នៅសហរដ្ឋអាមេរិក។
ខាងក្រោមនេះ គឺជាជំងឺមហារីកចំនួន ១៣ ដែលត្រូវបានផ្សារភ្ជាប់ទៅនឹងឡើងទម្ងន់ ៖
- ជំងឺមហារីកសុដន់
- ជំងឺមហារីកក្រពេញទីរ៉ូអ៊ីត
- ជំងឺមហារីកប្រមាត់
- ជំងឺមហារីកបំពង់អាហារ
- ជំងឺមហារីកស្បូន
- ជំងឺមហារីកពោះវៀនធំ
- ជំងឺមហារីកតម្រងនោម
- ជំងឺស្បែក
- ជំងឺមហារីកក្រពះ
- ជំងឺមហារីកថ្លើម
- ជំងឺមហារីកស្បូន
- ជំងឺមហារីកគ្រាប់ឈាម
- មហារីកលំពែង៕