ការរក្សាទម្ងន់ឱ្យមានសុខភាពល្អ និងការជ្រើសរើសរបៀបរស់នៅបែបឆ្លាតវៃផ្សេងទៀត ដូចជាការដាក់កម្រិតសាច់កែច្នៃ និងគ្រឿងស្រវឹងអាចកាត់បន្ថយហានិភ័យជំងឺមហារីកដល់មនុស្សរហូតដល់ ៤០% នេះបើយោងតាមរបាយការណ៍ថ្មីរបស់មូលនិធិមិនរកប្រាក់ចំណេញមហារីកពិភពលោក (WCRF)។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?

មូលនិធិមិនរកប្រាក់ចំណេញមហារីកពិភពលោក (WCRF) បានធ្វើបច្ចុប្បន្នភាពលើអនុសាសន៍របស់ខ្លួនសម្រាប់ការការពារជំងឺមហារីកម្តងរៀងរាល់ ១០ ឆ្នាំម្តង។ គោលការណ៍ណែនាំថ្មីដែលនឹងត្រូវបង្ហាញនៅសប្តាហ៍នេះនៅឯសភាអ៊ឺរ៉ុបស្តីពីភាពធាត់ជ្រុលនៅទីក្រុង Vienna គឺផ្អែកលើការពិនិត្យទិន្នន័យពីមនុស្ស ៥១ លាននាក់ ដែលក្នុងនោះមានករណីមហារីក ៣,៥ លាននាក់។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?

ការរកឃើញពីការពិនិត្យចុងក្រោយនេះភាគច្រើនស្របទៅនឹងការវិភាគពីមុនដែលបានធ្វើក្នុងឆ្នាំ ១៩៩៧ និង ២០០៧។ ប៉ុន្តែគោលការណ៍ណែនាំថ្មីផ្តល់នូវរូបភាពច្បាស់បំផុត និងទាន់សម័យបំផុតដែលកត្តានៃរបៀបរស់នៅជះឥទ្ធិពលដល់ការអភិវឌ្ឍជំងឺមហារីក។ ពួកគេក៏បានផ្តល់នូវវិធីជាក់ស្តែងចំនួន ១០ ដែលមនុស្សអាចកាត់បន្ថយហានិភ័យផ្ទាល់ខ្លួនរបស់ពួកគេ។

បណ្ឌិត Bandera មានប្រសាសន៍ថា នេះគឺជាការបញ្ជាក់ពីអ្វីដែលយើងបានដឹងហើយ។ ហើយវាសំខាន់ពីព្រោះវាពាក់ព័ន្ធនឹងវិធីសាស្រ្តហ្មត់ចត់នេះដោយពិនិត្យមើលរាល់ភស្តុតាងដែលអាចមាន និងទិន្នន័យដែលមានគុណភាពល្អបំផុត។ ប្រហែលម្នាក់ក្នុងចំណោម ៦ នាក់ដែលបានស្លាប់ជារៀងរាល់ឆ្នាំនៅលើពិភពលោកបច្ចុប្បន្ននេះ គឺដោយសារជំងឺមហារីក ហើយចំនួនករណីត្រូវបានគេរំពឹងថានឹងកើនឡើង ៥៨% នៅឆ្នាំ ២០៣៥ ដោយសារប្រទេសជាច្រើនប្រកាន់យករបៀបរស់នៅបែបបស្ចឹមប្រទេស។

ខណៈពេលដែលរបាយការណ៍ WCRF មុនបានរកឃើញទំនាក់ទំនងដែលបណ្តាលមកពីការលើសទម្ងន់ ឬធាត់ និងជំងឺមហារីកទាំង ៧ ហើយរបាយការណ៍ថ្មីបង្កើនចំនួននោះយ៉ាងហោចណាស់យ៉ាងហោចណាស់ ១២ ៖ ថ្លើម អូវែ ក្រពេញប្រូស្តាត ក្រពះ មាត់ និងបំពង់ក ពោះវៀនធំ សុដន់ក្រោយអស់រដូវ ប្រមាត់ តម្រងនោម បំពង់អាហារ លំពែង និងមហារីកស្បូន។

ដើម្បីកាត់បន្ថយហានិភ័យនៃជំងឺមហារីក  WCRF សូមណែនាំនូវជំហ៊ានទាំង ១០ ដូចខាងក្រោម ៖

  • រក្សាទម្ងន់ដែលមានសុខភាពល្អ
  • ដើរច្រើន ហើយអង្គុយតិច
  • បរិភោគធញ្ញជាតិ បន្លែ ផ្លែឈើ និងសណ្តែកឱ្យបានច្រើន
  • ជៀសវាងអាហារដែលមានកាឡូរីខ្ពស់
  • កំណត់ការប្រើប្រាស់សាច់ក្រហម និងសាច់កែច្នៃ
  • កំណត់ការប្រើប្រាស់ភេសជ្ជៈដែលមានជាតិស្ករ
  • កុំផឹកស្រា
  • កុំពឹងផ្អែកលើថ្នាំបំប៉នដើម្បីការពារប្រឆាំងនឹងជំងឺមហារីក
  • បំបៅកូនរបស់អ្នករយៈពេលប្រាំមួយខែដំបូង
  • បន្តអនុវត្តតាមការណែនាំរបស់ភ្នាក់ងារនេះ បន្ទាប់ពីធ្វើរោគវិនិច្ឆ័យជំងឺមហារីក៕