ទំហំ! វាមិនមែនជាបញ្ហានោះទេ! បុរសមួយចំនួនចង់ពង្រីកឱ្យវាធំ ប៉ុន្តែ វាអាចមានគ្រោះថ្នាក់ ជាពិសេសប្រសិនបើបុរសពឹងផ្អែកលើថ្នាំបំប៉ន ដើម្បីធ្វើឱ្យលិង្គរបស់គាត់ធំជាងមុន។

(អាន:ថ្នាំងងុយគេង ពេលអ្នកគួរប្រើ)

រដ្ឋបាលចំណីអាហារ និងឱសថអាមេរិកបានចេញការព្រមានអំពី “ថ្នាំបំប៉នដល់ការរំញោចផ្លូវភេទបុរស” ដែលមានឈ្មោះថា លិង្គធំ (Big Penis) ដោយកត់សម្គាល់ឃើញថា ការប្រើថ្នាំបំប៉នហួសកម្រិតអាចបង្កផលវិបាកធ្ងន់ធ្ងរដល់សុខភាព។

ភ្នាក់ងាររដ្ឋបាលចំណីអាហារ និងឱសថអាមេរិកបាននិយាយថា “ការវិភាគមន្ទីរពិសោធន៍របស់ FDA បានបញ្ជាក់ថា Big Penis មានផ្ទុកសារធាតុ sildenafil ដែលជាសារធាតុសកម្មនៅក្នុងថ្នាំ Viagra ដែលត្រូវបានអនុម័តអោយប្រើប្រាស់ដោយរដ្ឋបាលចំណីអាហារ និងឱសថអាមេរិកក្នុងការព្យាបាលរោគងាប់លិង្គ”។ គ្រឿងផ្សំដែលមិនបានប្រកាសនេះអាចមានប្រតិកម្មជាមួយនីត្រាត (nitrates) ដែលត្រូវបានរកឃើញនៅក្នុងថ្នាំដែលមានវេជ្ជបញ្ជាមួយចំនួន ដូចជា nitroglycerin និងអាចបន្ថយសម្ពាធឈាមទៅក្នុងកម្រិតគ្រោះថ្នាក់បាន។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?

រដ្ឋបាលចំណីអាហារ និងឱសថអាមេរិកបានធ្វើតេស្តសំណាកនៃថ្នាំបំប៉នក្នុងអំឡុងពេលនៃការត្រួតពិនិត្យជាទៀងទាត់នៃការដឹកជញ្ជូនតាមបញ្ញើរអន្តរជាតិ។ ប៉ុន្តែនេះជាការព្រួយបារម្ភ ៖ ថ្នាំដែលមានផ្ទុក nitrates ច្រើនតែត្រូវបានលេបដោយអ្នកដែលមានជំងឺទឹកនោមផ្អែម អ្នកជំងឺលើសឈាម អ្នកមានកូលេស្តេរ៉ុលខ្ពស់ និងអ្នកជំងឺបេះដូង ហើយBig Penis អាចធ្វើឱ្យនរណាម្នាក់ស្ថិតក្នុងគ្រោះថ្នាក់បាន។

Viagra ត្រូវបានគេដឹងថាមានផលប៉ះពាល់ដូចជាឈឺក្បាល ក្រហាយទ្រូង ស្បែកឡើងក្រហម បាត់បង់ការស្តាប់ មានបញ្ហាចក្ខុវិស័យ និងការឡើងរឹងរបស់លិង្គដែលមានរយៈពេលយូរ ដែលប្រសិនបើវាយូរពេក វាអាចបំផ្លាញលិង្គបាន។

ជាអកុសល ថ្នាំគ្រាប់បំប៉នមិនត្រូវបានកំណត់ដោយរដ្ឋបាលចំណីអាហារ និងឱសថអាមេរិកដោយយកចិត្តទុកដាក់ដូចជាថ្នាំ និងអាហារឡើយ។

តាមពិត រោងចក្រផលិតតម្រូវឱ្យបង្ហាញគ្រឿងផ្សំរបស់ខ្លួនតែប៉ុណ្ណោះ ប្រសិនបើមានការតវ៉ានិងការស៊ើបអង្កេត។ សេចក្តីថ្លែងការណ៍បាននិយាយថា FDA មិនអាចធ្វើតេស្ត និងកំណត់អត្តសញ្ញាណរាល់ផលិតផលដែលបានលក់ជាអាហារបំប៉នដែលមានគ្រឿងផ្សំលាក់កំបាំងដែលអាចបង្កគ្រោះថ្នាក់បានទេ។

នេះមិនមែនជាលើកទី ១ ទេដែលគ្រឿងផ្សំនៅក្នុងថ្នាំ Viagra ត្រូវបានរកឃើញនៅក្នុងថ្នាំបំប៉នដែលអាចប្រើបានដោយគ្មានវេជ្ជបញ្ជា៕