ការសិក្សា ៖ ការសម្អិតសម្អាត ការកោររោមប្រដាប់ភេទ មិនបង្កើនហានិភ័យជំងឺកាមរោគទេ

យោងតាមការសិក្សាមួយបានបង្ហាញថា ប្រសិនបើអ្នកកោររោមប្រដាប់ភេទរបស់អ្នក (ច្រើនជាង ៨៣% នៃស្ត្រីធ្វើវា) នេះជាព័ត៌មានដែលគួរឱ្យទុកចិត្តមួយ ៖ ការស្រាវជ្រាវថ្មីបានរកឃើញថា មិនមានទំនាក់ទំនងរវាងការកោររោមចេញ និងហានិភ័យខ្ពស់ក្នុងការឆ្លងជំងឺក្លាមីដ្យា ឬជំងឺប្រមេះទេ។

(អាន:ថ្នាំងងុយគេង ពេលអ្នកគួរប្រើ)

នេះគឺផ្ទុយនឹងការស្រាវជ្រាវពីមុនពីឆ្នាំ ២០១៦ ដែលបានរកឃើញថាការកោររោមប្រដាប់ភេទ គឺជាកត្តាហានិភ័យនៃជំងឺកាមរោគ។

នៅក្នុងការស្រាវជ្រាវថ្មីដែលបានចេញផ្សាយនៅថ្ងៃពុធក្នុងទិនានុប្បវត្តិ PLOS ONE អ្នកស្រាវជ្រាវមកពីសាកលវិទ្យាល័យរដ្ឋអូហៃអូបានស្ទាបស្ទង់លើនិស្សិតមហាវិទ្យាល័យជាស្ត្រីជាង ២០០ នាក់អំពីការអនុវត្តន៍ការថែរក្សារោម និងសកម្មភាពផ្លូវភេទ។ ស្ត្រីទាំងនោះក៏បានធ្វើតេស្តិជំងឺកាមរោគនៅតាមបរិវេណសាលាសម្រាប់ជំងឺក្លាមីដ្យា និងជំងឺប្រមេះទឹកបាយដែលជាជំងឺឆ្លងតាមការរួមភេទទូទៅបំផុតពីរ។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) 

អ្នកចូលរួមក្នុងការសិក្សាស្ទើរតែទាំងអស់ (៩៨%) បានរាយការណ៍អំពីការសម្អិតសំអាងរោមប្រដាប់ភេទនៅពេលខ្លះក្នុងជីវិត។ ក្នុងចំណោមអ្នកដែលបានរាយការណ៍ថាធ្លាប់សម្អាងការប្រហែល ៥៤% និយាយថាពួកគេបានកោររោមចេញយ៉ាងហោចណាស់រៀងរាល់សប្តាហ៍ក្នុងមួយឆ្នាំ ហើយ ១៨% រាយការណ៍ថាធ្វើយ៉ាងហោចណាស់ ៦ ដងក្នុងមួយខែចុងក្រោយនេះ។

ប្រហែលជា ១០ ភាគរយនៃអ្នកចូលរួមក្នុងការសិក្សាបានបញ្ចប់ការធ្វើតេស្តវិជ្ជមានចំពោះរោគក្លាមីដ្យា ឬរោគប្រមេះ។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) 

ទោះយ៉ាងណា អ្នកសម្អិតសម្អាងរោមប្រដាប់ភេទហួសកម្រិតមិនទំនងជាត្រូវបានគេធ្វើរោគវិនិច្ឆ័យឃើញជាងអ្នកដែលមិនចេះធ្វើញឹកញាប់នោះទេ៕