ចូរពិចារណា ៖ កុំចាក់ប្រេងចាហួយចូលក្នុងលិង្គរបស់អ្នកដើម្បីធ្វើឱ្យវាធំជាងមុន។
បុរសអាយុ ៤៥ ឆ្នាំម្នាក់រស់នៅតំបន់ប៉ាស៊ីហ្វិកខាងត្បូងបានដឹងថា វិធីលំបាកបន្ទាប់ពីគាត់បានធ្លាក់ខ្លួនឈឺ និងឡើងដំបៅរលួយនៅលិង្គរបស់គាត់។ មែនហើយ ដំបៅរលួយ គឺជាស្ថានភាពមួយដែលបណ្តាលឱ្យជាលិកាស្អុយរលួយ។ ពត៌មានលំអិតនៃការធ្វើរោគវិនិច្ឆ័យរបស់បុរសនេះត្រូវបានចេញផ្សាយនៅក្នុងទិនានុប្បវត្តិវេជ្ជសាស្ត្រ Urology Case Reports។
(អាន:ថ្នាំងងុយគេង ពេលអ្នកគួរប្រើ)
តើរឿងនេះកើតឡើងយ៉ាងដូចម្តេច?
អ្នកនិពន្ធបានសរសេរថា ដូចដែលរបាយការណ៍បានលំអិតបុរសនោះបានទៅពេទ្យដោយមានការខូចទ្រង់ទ្រាយយ៉ាងខ្លាំងនៃលិង្គរបស់គាត់ ហើយវាកាន់តែអាក្រក់ទៅៗក្នុងរយៈពេល ៥ ថ្ងៃ។ បុរសនោះបាននិយាយថា លិង្គរបស់គាត់មានសភាពរមាស់ និងហូរឈាមនៅពេលគាត់អេះវា។ បន្ទាប់ពីតំបន់នោះចាប់ផ្តើមហើម ហើយគាត់ចាប់ផ្តើមមានអារម្មណ៍ថាខ្សោយ និងក្តៅខ្លួន គាត់បានទៅពេទ្យ។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
គេបានរាយការណ៍ពីរោគសញ្ញារបស់គាត់ដូចជាក្តៅខ្លួន ៣៨ អង្សារ ហើយចង្វាក់បេះដូងលោតលឿន។ លិង្គរបស់គាត់ក៏មានស្បែកមិនស្អាតផងដែរ។
គ្រូពេទ្យគិតថាពួកគេដឹងពីអ្វីដែលជារោគសញ្ញារបស់គាត់ ៖ បុរសនោះបានពន្យល់ថា កាលពី ២ ឆ្នាំមុនគាត់បានចាក់ប្រេងចាហួយចូលទៅក្នុងប្រដាប់ភេទរបស់គាត់ ពីព្រោះគាត់គិតថានឹងធ្វើឱ្យលិង្គរបស់គាត់ធំជាងមុន។ (អ្នកនិពន្ធបានសរសេរថា នៅផ្នែកខ្លះនៃពិភពលោក នេះគឺជារឿងធម្មតាដែលបុរសធ្វើ)។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
គ្រូពេទ្យបានវះបើកលិង្គរបស់គាត់ដើម្បីបង្ហូរខ្ទុះ និងសារធាតុរាវចេញ។ ពួកគេបានរាយការណ៍ថាបានរកឃើញចាហួយប្រេងជាច្រើននៅជុំវិញក្បែរនោះ។ បន្ទាប់ពីមួយខែ គាត់ត្រូវបានគេអនុញ្ញាតិឱ្យចេញពីមន្ទីរពេទ្យ ហើយរបាយការណ៍នៃករណីរបស់គាត់បានក្លាយជាការព្រមានមួយសម្រាប់បុរសទូទៅដែលគិតថាចង់សាកល្បងពង្រីកប្រដាប់ភេទដោយខ្លួនឯងតាមវិធីរបស់គាត់៕