តើអ្វីទៅជាលទ្ធផលជាមូលដ្ឋាន?
ការប្រៀបធៀបការឡើងទម្ងន់របស់ស្ត្រី ចំពោះការណែនាំរបស់វិទ្យាស្ថានវេជ្ជសាស្ត្រសហរដ្ឋអាមេរិកឆ្នាំ ២០០៩ ៖
1. ១៧,២ % បានឡើងទម្ងន់តិចជាងការណែនាំ
2. ៤១,៨ % ទទួលបានទម្ងន់ដែលត្រូវបានណែនាំ
3. ៤១% មានទម្ងន់ច្រើនជាងការផ្តល់អនុសាសន៍។
បើប្រៀបធៀបទៅនឹងកុមារនៃស្ត្រីឡើងទម្ងន់ដែលត្រូវបានណែនាំ កូនរបស់ស្ត្រីដែលទទួលបានទម្ងន់ច្រើនជាងការណែនាំ ៖
• មានជាតិខ្លាញ់ច្រើន
• មានសម្ពាធឈាមខ្ពស់
• ហាក់ដូចជាបង្ហាញភាពប្រែប្រួលអាំងស៊ុយលីន។
កុមារនៃស្ត្រីដែលមានទម្ងន់តិចជាងការផ្តល់អនុសាសន៍ ក៏មានសម្ពាធឈាមខ្ពស់ និងអាំងស៊ុយលីនដែលមានកម្រិតខ្ពស់ផងដែរ។ ប៉ុន្តែ នេះប្រហែលជាមិនមែនជាភាពខុសប្លែកគ្នាទេ។
តើអ្នកស្រាវជ្រាវបានបកស្រាយលទ្ធផលនេះដោយរបៀបណា?
អ្នកស្រាវជ្រាវបាននិយាយថា លទ្ធផលរបស់ពួកគេបានបញ្ជាក់ពីលទ្ធផលនៃការស្រាវជ្រាវពីមុនដែលបង្ហាញថា ការឡើងទម្ងន់អំឡុងពេលមានផ្ទៃពោះ អាចប៉ះពាល់ដល់សុខភាពមេតាប៉ូលីសរបស់កុមារ។
ពួកគេបាននិយាយថា “លទ្ធផលមួយក្នុងចំណោមការរកឃើញសំខាន់បំផុតពីការស្រាវជ្រាវនេះគឺថា ដោយមិនគិតពីការធាត់ និងការមានជាតិស្ករក្នុងអំឡុងពេលមានផ្ទៃពោះ ការឡើងទម្ងន់ខ្លាំងពេលមានផ្ទៃពោះ មានការទាក់ទងជិតស្និទ្ធទៅនឹងភាពកើនឡើងនៃភាពធន់ទ្រាំអាំងសូលីនក្នុងវ័យកុមារ និងជំងឺលើសឈាម”។
ពួកគេបាននិយាយថា ការមានផ្ទៃពោះប្រហែលជាតំណាងឲ្យ “ឱកាសដ៏មានសក្តានុពល” សម្រាប់ស្ត្រីក្នុងការបង្កើនរបបអាហារ និងការធ្វើលំហាត់ប្រាណរបស់ពួកគេ ដែលនឹងផ្តល់ផលប្រយោជន៍ដល់សុខភាពមនុស្សជំនាន់ក្រោយ។
សេចក្តីសន្និដ្ឋាន
ការស្រាវជ្រាវនេះបានបន្ថែមភស្តុតាងថា ការរក្សាសុខភាពអំឡុងពេលមានផ្ទៃពោះដោយមានរបបអាហារល្អ និងការហាត់ប្រាណឲ្យបានច្រើនអាចផ្តល់ឲ្យទារកនូវការចាប់ផ្តើមជីវិតដែលមានសុខភាពល្អ៕