មនុស្សវ័យជំទង់ភាគច្រើនត្រូវការគេងឱ្យបានពី ៧ ម៉ោងកន្លះទៅ ៩ ម៉ោងជារៀងរាល់យប់។ ប៉ុន្តែ ប្រហែលជាម្នាក់ក្នុងចំណោមមនុស្សវ័យជំទង់បួននាក់មានបញ្ហានៃការគេង។ កង្វះការគេងអាចប៉ះពាល់ដល់អ្វីគ្រប់យ៉ាង រាប់ចាប់ពីអារម្មណ៍របស់អ្នកទៅដល់ការធ្វើការងារប្រចាំថ្ងៃ។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
វាអាចប៉ះពាល់ដល់សកម្មភាពនៃការធ្វើកីឡា បង្កើនឱកាសនៃការឈឺ និងអាចត្រូវបានទាក់ទងទៅនឹងការឡើងទម្ងន់ ចំពោះមនុស្សមួយចំនួនផងដែរ។
(អាន:ថ្នាំងងុយគេង ពេលអ្នកគួរប្រើ)
តើអ្នកគួរធ្វើដូចម្តេច ទើបអាចគេងបានស្រួលបាន? ខាងក្រោមនេះ គឺជាគំនិតមួយចំនួនដែលមានប្រសិទ្ធភាពបំផុត ៖
- ធ្វើសកម្មភាពអំឡុងពេលថ្ងៃ ៖ អ្នកប្រហែលជាសម្គាល់ឃើញថា ការរត់ប៉ុណ្ណាដែលកូនរបស់អ្នកបានធ្វើ គឺពួកគេបានគេងបានប៉ុណ្ណាហើយ។ ដូចនេះ សូមធ្វើលំហាត់ប្រាណយ៉ាងហោចណាស់អោយបាន ៦០ នាទីក្នុងមួយថ្ងៃ។ ការធ្វើលំហាត់ប្រាណ ឬសកម្មភាព អាចបន្ថយស្ត្រេស និងជួយអ្នកឲ្យមានអារម្មណ៍ធូរស្រាល។ ប៉ុន្តែសូមកុំធ្វើលំហាត់ប្រាណកៀកនឹងម៉ោងគេងពេក។
- ជៀសវាងការផឹកស្រា និងផឹកថ្នាំ ៖ មនុស្សភាគច្រើនគិតថា ស្រា ឬថ្នាំនឹងធ្វើឲ្យពួកគេធូរស្រាល និងងងុយគេង ប៉ុន្តែ នេះមិនមែនជារឿងពិតនោះទេ។ ថ្នាំ និងស្រារំខានដល់ដំណេក បង្កើនឱកាសនៃការក្រោកពីគេងនៅពាក់កណ្តាលយប់ទៅវិញទេ។
- និយាយរាត្រីសួស្តីទៅលើគ្រឿងអេឡិចត្រូនិចទាំងឡាយ ៖ អ្នកឯកទេសបានណែនាំឲ្យប្រើគ្រែសម្រាប់ការគេងតែមួយមុខ។ នេះមានន័យថា អ្នកគួរតែបិទអ្វីៗគ្រប់យ៉ាង ដូចជា ទូរទស្សន៍ជាដើម។
- រក្សាទម្លាប់នៃការគេងប្រចាំថ្ងៃ ៖ ការចូលគេងនៅម៉ោងដូចៗគ្នាជារៀងរាល់យប់ជួយឲ្យរាងកាយដឹងពីពេលនៃការគេង។ ការបង្កើតទម្លាប់នៃការគេងនេះ អាចផ្តល់ភាពប្រសើរឡើងដល់ឥទ្ធិពលនៃការបន្ធូរអារម្មណ៍ផងដែរ។
- រំពឹងពីការគេងដ៏ល្អ ៖ ស្ត្រេសអាចធ្វើឲ្យអ្នកគេងមិនលក់ ដូចនេះអារម្មណ៍ដែលអ្នកគិតពីការមិនគេងច្រើនប៉ុណ្ណា ហានិភ័យដែលធ្វើឲ្យភ្នែករបស់អ្នកមិនគេងសោះនោះច្រើនប៉ុនហ្នឹង៕