នៅពេលដែលអ្នកមានជំងឺខ្សោយតម្រងនោម តម្រងនោមរបស់អ្នកមិនធ្វើការបានយូរដូចដែលពួកវាត្រូវធ្វើនោះទេ។ ការផ្លាស់ប្តូររបបអាហារ អាចជួយការពារតម្រងនោមរបស់អ្នកបាន។ វាក៏អាចជួយអ្នកឲ្យគ្រប់គ្រងជំងឺដទៃទៀតផងដែរ ដូចជាជំងឺទឹកនោមផ្អែម ជំងឺលើសឈាម ដែលអាចធ្វើឲ្យជំងឺតម្រងនោមកាន់តែអាក្រក់ទៅៗ។
(អាន:ថ្នាំងងុយគេង ពេលអ្នកគួរប្រើ)
អត្ថបទនេះអាចផ្តល់ឲ្យអ្នកនូវគំនិតទូទៅអំពីរបៀបនៃការញ៉ាំអាហារដែលគ្រូពេទ្យបានណែនាំ។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
សូមចំណាំថា អត្ថបទនេះមិនសាកសមសម្រាប់អ្នកដែលលាងឈាម ឬបានប្តូរតម្រងនោមនោះ។ សូមធ្វើតាមការណែនាំរបស់គ្រូពេទ្យអ្នកវិញ។
- មនុស្សភាគច្រើនដែលមានជំងឺតម្រងនោមត្រូវការកំណត់ការញ៉ាំប្រៃ ទឹក និងប្រូតេអ៊ីន។ អ្នកខ្លះទៀតក៏ត្រូវការកំណត់ការញ៉ាំប៉ូតាស្យូម និងផូស្វ័រផងដែរ។
- មិនមានអាហារណាមួយដែលល្អស្រាប់អ្នកគ្រប់គ្នាដែលមានជំងឺតម្រងនោមនោះទេ។ គ្រូពេទ្យរបស់អ្នក អាចកែសម្រួលដល់អាហារអ្នកដោយពឹងផ្អែកលើថាតើតម្រងនោមរបស់អ្នកកំពុងតែធ្វើការបានប៉ុណ្ណា។
- វាអាចជារឿងលំបាកសម្រាប់ការផ្លាស់ប្តូររបបអាហារ។ អ្នកអាចត្រូវបញ្ឈប់ការញ៉ាំអាហារមួយចំនួនដែលអ្នកចូលចិត្ត។ ប៉ុន្តែវាពិតជារឿងសំខាន់ដើម្បីធ្វើការផ្លាស់ប្តូរទៅតាមការណែនាំ ដូច្នេះអ្នកអាចរស់នៅបានដោយមានសុខភាពល្អក្នុងរយៈពេលយូរ។
- អ្នកត្រូវការទទួលបានកាឡូរីបានគ្រប់គ្រាន់ ដើម្បីឲ្យមានសុខភាពល្អ និងមានកម្លាំង។ ប្រសិនបើអ្នកមានពេលពិបាកក្នុងការញ៉ាំអាហារនោះ សូមពិគ្រោះជាមួយនឹងគ្រូពេទ្យអំពីមធ្យោបាយ ដើម្បីបន្ថែមកាឡូរទៅក្នុងអាហាររបស់អ្នក។
- អាហាររបស់អ្នកអាចផ្លាស់ប្តូរទៅតាមជំងឺរបស់អ្នកមានការប្រែប្រួល។ សូមទៅជួបនឹងគ្រូពេទ្យ ចំពោះការធ្វើតេស្តជាទៀងទាត់ និងការញ៉ាំអាហារដែលចាំបាច់៕