កុំបារម្ភពេក ពេលទារកស្រកទម្ងន់ ក្រោយចាប់កំណើត

ទារកទើបនឹងកើតដែលមានសុខភាពល្អ នឹងបាត់បង់ទម្ងន់ចន្លោះពី ៥ ទៅ ១០ ភាគរយនៃទម្ងន់ដែលសម្រាលនៅថ្ងៃដំបូងបន្ទាប់ពីកំណើត។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) 

ការស្រកទម្ងន់ដំបូង កើតឡើងដោយសារតែទារកកើតមកមានជាតិទឹកបន្ថែមដែលត្រូវបានបំបាត់ បន្ទាប់ពីសម្រាលចេញរួច។ ការស្រកកទម្ងន់បែបនេះ គឺជារឿងធម្មតា ហើយមិនមែនជាការព្រួយបារម្ភនោះទេ លុះត្រាតែទារកបាត់បង់ទម្ងន់លើសពី ១០ ភាគរយនៃទំងន់របស់គាត់។

(អាន:ថ្នាំងងុយគេង ពេលអ្នកគួរប្រើ)

សម្រាប់ទារកទើបនឹងកើត តើគេនឹងឡើងទម្ងន់ប៉ុន្មាន នៅសប្តាហ៍ដំបូងក្រោយពេលកើត?

ជាទូទៅ ទារកចាប់ផ្តើមឡើងទម្ងន់ម្តងទៀតពី ៥ ទៅ ៧ ថ្ងៃ ក្រោយពេលសម្រាល ហើយភាគច្រើនគេគួរតែត្រឡប់ទៅទម្ងន់ធម្មតាវិញ នៅពេលគេកើតបានប្រហែល ២ សប្តាហ៍។ ថ្វីបើទារកភាគច្រើននឹងឡើងទម្ងន់បែបក៏ដោយ ក៏ប្រហែល ១០ ភាគរយនៃទារកដែលមានសុខភាពល្អអាចស្តារទម្ងន់ឡើងវិញយឺតជាងនេះប៉ុន្មានសប្តាហ៍ផងដែរ។

មានកត្តាជាច្រើនដែលរាប់ចូលក្នុងការឡើងទម្ងន់របស់ទារកក្នុងប៉ុន្មានសប្តាហ៍ដំបូងនៃជីវិត រួមទាំងការបំបៅទឹកដោះម្តាយរបស់អ្នកបានលឿនប៉ុណ្ណា ព្រមទាំងបរិមាណទឹកដោះដែលទារករបស់អ្នកបានបៅ៕