ការឈឺ ឬចុកក្នុងដើមទ្រូង ភាគច្រើនមិនមែនជាសញ្ញានៃអ្វីធ្ងន់ធ្ងរនោះទេ ប៉ុន្តែ អ្នកគួរតែទទួលបានដំបូន្មានវេជ្ជសាស្រ្តក្នុងករណីមួយចំនួន។ ចូរទទួលជំនួយខាងវេជ្ជសាស្ត្រភ្លាមៗប្រសិនបើអ្នកគិតថា អ្នកមានជំងឺគាំងបេះដូង។
(អាន:ថ្នាំងងុយគេង ពេលអ្នកគួរប្រើ)
ទូរស័ព្ទទៅគ្រូពេទ្យជំនាញភ្លាមៗ ប្រសិនបើអ្នកមានការឈឺចាប់ទ្រូងភ្លាមៗដែល ៖
1. រាលដាលទៅដៃ ខ្នង ក ឬថ្គាម
2. ធ្វើឲ្យទ្រូងរបស់អ្នកមានអារម្មណ៍ថាតឹង ឬធ្ងន់
3. ចាប់ផ្តើមជាមួយនឹងការដកដង្ហើមខ្លីៗ ការបែកញើស និងអារម្មណ៍ឈឺចាប់ខ្លាំង។
អ្នកអាចនឹងមានការគាំងបេះដូង។ ប្រញាប់ទៅរកពេទ្យ នៅពេលអ្នកត្រូវការការព្យាបាលភ្លាមៗនៅមន្ទីរពេទ្យ។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
បញ្ហាបេះដូងភាគច្រើនដែលបណ្តាលឲ្យឈឺទ្រូងរួមមាន ៖
1. ជំងឺរលាកស្រោមបេះដូង ដែលជារឿយៗបណ្តាលឲ្យមានការឈឺចាប់ភ្លាមៗស្រួចស្រាវ ហើយដែលកាន់តែធ្ងន់ធ្ងរ នៅពេលអ្នកដកដង្ហើមយ៉ាងជ្រៅ ឬគេងលក់
2. ការគាំងបេះដូង ដែលមានរោគសញ្ញាស្រដៀងគ្នា ប៉ុន្តែ ការគាំងបេះដូង គឺគំរាមកំហែងដល់អាយុជីវិត
3. អ្នកទំនងជាមានបញ្ហាបេះដូង ប្រសិនបើអ្នកចាស់ ឬដឹងថាអ្នកមានហានិភ័យនៃជំងឺសរសៃឈាមបេះដូង។
ឧទាហរណ៍ប្រសិនបើអ្នក ៖
1. ជក់បារី
2. មានទម្ងន់ធ្ងន់ខ្លាំងណាស់ (ធាត់)
3. មានសម្ពាធឈាមខ្ពស់
4. មានជំងឺទឹកនោមផ្អែម ឬកូលេស្តេរ៉ុលខ្ពស់
5. មានប្រវត្តិគ្រួសារកើតការគាំងបេះដូង ឬការឈឺទ្រូង ចំពោះសមាជិកគ្រួសារដែលមានអាយុក្រោម ៦០ ឆ្នាំ៕