កុំបារម្ភ ប្រសិនបើការមករដូវរបស់អ្នកមិនដូចគ្នានឹងការមករដូវរបស់បងស្រី ឬមិត្តភក្តិអ្នក។ ក្មេងស្រីគ្រប់រូប គឺខុសគ្នា។ ការហូរឈាមរដូវ អាចមានរយៈពេលរហូតដល់ ៨ ថ្ងៃ ទោះបីជាវាមានរយៈពេលប្រហែលប្រាំថ្ងៃក៏ដោយ។ ការហូរឈាមរដូវច្រើនបំផុត គឺស្ថិតក្នុងរយៈពេលពីរថ្ងៃដំបូង។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?

ក្នុងកំឡុងពេលនៃការមករដូវ លំហូរឈាមរបស់អ្នកអ្នកហាក់ដូចជាច្រើន ប៉ុន្តែ បរិមាណឈាមពិតប្រាកដមានរវាង ៥ និង ១២ ស្លាបព្រាកាហ្វេ។ ទោះជាយ៉ាងណាក៏ដោយ អ្នកក៏អាចមានឈាមរដូវច្រើនជាងធម្មតាផងដែរ។ ហើយបើស្ថិតក្នុងកាលៈទេសៈបែបនេះ អ្នកត្រូវប្រើថ្នាំដើម្បីព្យាបាលវា ដូច្នេះ សូមនិយាយជាមួយវេជ្ជបណ្ឌិតរបស់អ្នក ប្រសិនបើអ្នកព្រួយបារម្ភ។

រយៈពេលជាមធ្យមនៃវដ្តរដូវ (ពីថ្ងៃដំបូងនៃរដូវរបស់អ្នក រហូតដល់ថ្ងៃមុនពេលអ្នកមកបន្តទៀត) គឺ ២៨ ថ្ងៃ បើទោះបីជាវាអាចនៅចន្លោះ ២១ ទៅ ៤០ ថ្ងៃក៏ដោយ។

(អាន:ថ្នាំងងុយគេង ពេលអ្នកគួរប្រើ)

វដ្តអ័រម៉ូនរបស់អ្នកអាចប៉ះពាល់ដល់រាងកាយ និងអារម្មណ៍។ ស្ត្រីខ្លះមិនមានរោគសញ្ញាអ្វីទេ ប៉ុន្តែនៅថ្ងៃដែលមានវដ្តរដូវ អ្នកអាចមានរោគសញ្ញាននានា ដែលនេះគឺ​រួម​បញ្ចូល​ទាំង ៖

  • ឈឺក្បាល
  • ហើមពោះ
  • ឆាប់ខឹង
  • ឈឺឆ្អឹងខ្នង
  • អារម្មណ៍​បាក់​ទឹកចិត្ត
  • អារម្មណ៍ខកចិត្ត ឬបារម្ភច្រើន
  • ពិបាកគេថ
  • ការលំបាកក្នុងការផ្តោតអារម្មណ៍
  • សុដន់តឹងណែន
  • ការឡើងទម្ងន់ខ្លះ (រហូតដល់ ១ គីឡូក្រាម)។

នៅពេលដែលរដូវរបស់អ្នកចាប់ផ្តើម រោគសញ្ញាទាំងនេះតែងតែប្រសើរឡើង។ ពួកវាបាត់ទៅវិញ នៅពេលដែលរដូវរបស់អ្នកបានបញ្ចប់។

ពេលខ្លះ វាអាចជាការឈឺចាប់។ មូលហេតុពិតប្រាកដនៃការឈឺចាប់មិនត្រូវបានគេដឹងទេ ប៉ុន្តែ អ្នកអាចមានអារម្មណ៍ឈឺក្នុងពោះ ខ្នង ឬទ្វាមាសរបស់អ្នក។ ជាធម្មតា វាចាប់ផ្តើមឆាប់ៗមុនពេលចាប់ផ្តើមរដូវ និងស្ថិតក្នុងរយៈពេលពីរបីថ្ងៃ។ ថ្នាំបំបាត់ការឈឺចាប់ អាចជួយអ្នកបាន៕