ឥឡូវនេះ មេរោគកូវីដ-១៩ ត្រូវបានបញ្ជាក់ជាផ្លូវការថាជាជំងឺរាតត្បាតដោយអង្គការសុខភាពពិភពលោក ហើយសូម្បីតែអ្នកដែលនិយាយថា “វាមិនអាក្រក់ជាងជំងឺផ្តាសាយ” ក៏កំពុងតែចាប់ផ្តើមញ៉ាំបន្លែផ្លែឈើបំប៉នសុខភាព និងប្រើទឹកអនាម័យសម្រាប់លាងដៃ។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ដូច្នេះ តើមានអ្វីផ្សេងទៀតដែលអាចបង្កើនប្រព័ន្ធភាពស៊ាំរបស់អ្នក? តើពាក្យចចាមអារាមដែលថា ការសម្រេចកាមដោយខ្លួនឯងជួយអ្នកបានទេ?
ការសិក្សាដែលធ្វើឡើងដោយនាយកដ្ឋានចិត្តវិទ្យាផ្នែកវេជ្ជសាស្ត្រនៅគ្លីនិកសាកលវិទ្យាល័យ University Clinic of Essen ប្រទេសអាល្លឺម៉ង់ ដែលត្រូវបានបោះពុម្ពផ្សាយនៅក្នុងទិនានុប្បវត្តិ Neuroimmunomodulation ក្នុងឆ្នាំ ២០០៤ បានបង្ហាញថា ៖
(អាន:ថ្នាំងងុយគេង ពេលអ្នកគួរប្រើ)
ការស្រាវជ្រាវបានមើលទៅលើឥទ្ធិពលនៃការឈានដល់ចំណុចកំពូលតាមរយៈការសម្រេចកាមដោយខ្លួនឯងទៅលើចំនួនកោសិកាឈាម និងប្រព័ន្ធភាពស៊ាំ។ ចំនួនកោសិកាឈាមសរបស់អ្នកចូលរួមម្នាក់ៗត្រូវបានកត់ត្រាទុក ៥ នាទីមុន និង ៤៥ នាទីបន្ទាប់ពីឈានដល់ចំណុចកំពូលដោយខ្លួនឯង ហើយលទ្ធផលនៃការរាប់ក្រោយពេលសម្រេចកាមរួច គឺខ្ពស់ជាង។
តើការសិក្សាតូចនេះមានន័យថា មនុស្សគួរចាប់ផ្តើមបង្កើតក្តីសុខបែបនេះឱ្យខ្លួនឯងដើម្បីមានសុខភាពល្អទេ? មិនលឿនពេកទេ។
វេជ្ជបណ្ឌិត Gail Saltz សាស្ត្រាចារ្យរងផ្នែកចិត្តសាស្ត្រនៅសាលាវេជ្ជសាស្ត្រញូវយ៉កបានមានប្រសាសន៍ថា “មានការស្រាវជ្រាវតូចមួយចំនួនបានបង្ហាញថា សារធាតុគីមីទាក់ទងនឹងប្រព័ន្ធភាពស៊ាំរបស់រាងកាយត្រូវបានប៉ះពាល់ដោយការរំញោចផ្លូវភេទ”។
ទោះយ៉ាងណា លោកស្រីវេជ្ជបណ្ឌិតចង្អុលបង្ហាញថា ការសិក្សា គឺតូចណាស់។ គាត់និយាយថា “ចំពោះចំណេះដឹងរបស់ខ្ញុំ គ្មានការសិក្សាណាមួយនិយាយជាក់លាក់ថា ការសម្រេចកាមដោយខ្លួនជួយបង្កើនប្រព័ន្ធភាពស៊ាំតាមរបៀបមួយដែលអាចការពារ ឬជួយប្រឆាំងនឹងការឆ្លងមេរោគបាននោះទេ។
ប៉ុន្តែនេះមិនមែនមានន័យថាការសម្រេចកាមដោយខ្លួនមិនមានមកជាមួយនឹងអត្ថប្រយោជន៍សុខភាពផ្លូវចិត្ត និងរាងកាយទាំងមូលនោះទេ។ ទោះបីជាការសិក្សាតិចតួចផ្តោតជាពិសេសទៅលើការរួមភេទទោលក៏ដោយ ការឈានដល់ចំណុចកំពូលជាទូទៅត្រូវបានគេជឿថា អាចកាត់បន្ថយស្ត្រេស កាត់បន្ថយសម្ពាធឈាម បង្កើនការគោរពខ្លួនឯង និងបន្ថយការឈឺចាប់៕