កាឡូរី គឺជាបរិមាណកំដៅដែលត្រូវការ ដើម្បីបង្កើនសីតុណ្ហភាពទឹកមួយក្រាមដោយសីតុណ្ហភាពមួយអង្សារសេ។ កាឡូរីនៅក្នុងអាហារផ្តល់ថាមពលក្នុងទម្រង់កំដៅដើម្បីឱ្យរាងកាយរបស់យើងអាចដំណើរការបាន។ រាងកាយរបស់យើងផ្ទុក និង “ដុត” កាឡូរីជាឥន្ធនៈ។ មនុស្សជាច្រើនដែលព្យាយាមឡើងទម្ងន់ ឬរក្សាទម្ងន់ដែលមានសុខភាពល្អនឹងរាប់កាឡូរី ហើយព្យាយាមបន្ថយបរិមាណកាឡូរី។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
តើកាឡូរី គឺជាអ្វី?
អ្នកប្រហែលជាគិតថា កាឡូរី គឺសំខាន់សម្រាប់តែមនុស្សដែលព្យាយាមសម្រកទម្ងន់។ មនុស្សយើងច្រើនតែលឺថាមនុស្សព្យាយាមញ៉ាំកាឡូរីតិច ឬដុតកាឡូរីច្រើនដោយហាត់ប្រាណដើម្បីបញ្ចុះទម្ងន់។ ប៉ុន្តែ កាឡូរី គឺសំខាន់សម្រាប់មនុស្សគ្រប់គ្នា។
(អាន:ថ្នាំងងុយគេង ពេលអ្នកគួរប្រើ)
កាឡូរី មិនមែនជារបស់ពិតទេ វាជាឯកតារង្វាស់។ កាឡូរី វាស់បរិមាណថាមពលនៅក្នុងអាហារ និងភេសជ្ជៈដែលយើងទទួលទាន។ យើងទាំងអស់គ្នាត្រូវការថាមពលនេះដើម្បីរស់នៅ និងមានសុខភាពល្អ។ អ្វីគ្រប់យ៉ាងដែលយើងធ្វើ គឺពឹងផ្អែកលើថាមពលដែលកើតឡើងក្នុងទម្រង់ជាកាឡូរី។
អាហារដែលយើងបរិភោគក្លាយជាឥន្ធនៈដែលគ្រប់គ្រងរាងកាយរបស់យើង។ អាហារសុខភាពផ្តល់នូវកាឡូរី (ថាមពល) និងសារធាតុចិញ្ចឹមសំខាន់ៗដើម្បីបង្កើតឆ្អឹង និងសាច់ដុំរឹងមាំ។ ភេសជ្ជៈក៏មានផ្ទុកកាឡូរីផងដែរ។ ប៉ុន្តែមិនមែនកាឡូរីទាំងអស់សុទ្ធតែមានសុខភាពល្អទេ។ ឧទាហរណ៍ ទឹកក្រូច ជារឿយៗត្រូវបានគេហៅថា “កាឡូរីទទេ” ។ នោះមានន័យថា ពួកវាផ្តល់កាឡូរី ប៉ុន្តែមិនមានតម្លៃអាហារូបត្ថម្ភផ្សេងទៀតសម្រាប់រាងកាយនោះទេ។
(អាន:ថ្នាំងងុយគេង ពេលអ្នកគួរប្រើ)
កាឡូរី និងការឡើងទម្ងន់
កាឡូរី នៅក្នុងអាហារផ្តល់នូវថាមពលចាំបាច់ ប៉ុន្តែប្រសិនបើអ្នកញ៉ាំច្រើន អ្នកនឹងឡើងទម្ងន់។ កាឡូរីដែលលើសត្រូវបានរក្សាទុកជាខ្លាញ់ក្នុងខ្លួន។ រាងកាយរបស់អ្នកត្រូវការជាតិខ្លាញ់ដែលផ្ទុកខ្លះដើម្បីមានសុខភាពល្អ។ ប៉ុន្តែខ្លាញ់ច្រើនពេកអាចបង្កបញ្ហាសុខភាព។ ដូច្នេះ តើអ្នកធ្វើយ៉ាងណា ដើម្បីកុំឱ្អ្នកយញ៉ាំកាឡូរីច្រើន? វាជាការសំខាន់ណាស់ដែលអ្នកត្រូវយល់ពីតម្រូវការកាឡូរីរបស់អ្នក។ នោះគឺជាចំនួនកាឡូរីដែលរាងកាយរបស់អ្នកត្រូវការ ដើម្បីបំពេញមុខងារមេតាប៉ូលីសមូលដ្ឋាន និងសកម្មភាពរាងកាយប្រចាំថ្ងៃ៕