កងពន្យារកំណើត គឺជាបំពង់ប្លាស្ទិកតូចមួយ ដែលមានទំហំប៉ុនបន្ទះឈើគូស។ វាជាការផ្សាំបញ្ចូលអ័រម៉ូនទៅក្នុងខ្លួនរបស់អ្នក ដែលអាចរារាំងអ្នកមិនឱ្យមានផ្ទៃពោះ។ គិលានុប្បដ្ឋាយិកា ឬគ្រូពេទ្យបញ្ចូលកងពន្យារកំណើតទៅក្នុងដៃរបស់អ្នក ហើយនោះជារបស់អ្នក – អ្នកត្រូវបានការពារពីការមានផ្ទៃពោះរហូតដល់ ៥ ឆ្នាំ។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?

តើការពន្យារកំណើតដោយការដាក់កងធ្វើការយ៉ាងដូចម្តេច?

កងពន្យារកំណើត ត្រូវបានគេហៅថា Nexplanon និងមានសេរីចាស់ជាងនេះបន្តិចដែលមានឈ្មោះថា Implanon ។ វេជ្ជបណ្ឌិតបញ្ចូលកងនេះនៅក្រោមស្បែកនៃដៃផ្នែកខាងលើរបស់អ្នក។ វាបញ្ចេញអ័រម៉ូន progestin ដើម្បីបញ្ឈប់អ្នកពីការមានផ្ទៃពោះ។

(អាន:ថ្នាំងងុយគេង ពេលអ្នកគួរប្រើ)

អ័រម៉ូនក្នុងកងពន្យារកំណើតអាចការពារការមានផ្ទៃពោះតាមវិធីពីរយ៉ាង៖

Progestin ធ្វើឱ្យទឹករំអិលក្រាស់នៅលើមាត់ស្បូនរបស់អ្នក ដែលរារាំងមេជីវិតឈ្មោលមិនឱ្យហែលឆ្លងកាត់ស្បូនរបស់ស្ត្រី។ នៅពេលមេជីវិតឈ្មោលមិនអាចជួបជាមួយស៊ុតបាន នោះការមានផ្ទៃពោះមិនអាចកើតឡើងបានទេ។

Progestin ក៏អាចបញ្ឈប់ស៊ុតពីការចាកចេញពីស្បូនរបស់អ្នកដែរ ដូច្នេះអ្នកមិនមានពងដើម្បីបង្កកំណើតនោះឡើយ។ នៅពេលដែលស៊ុតមិនត្រូវបានបញ្ចេញ អ្នកមិនអាចមានផ្ទៃពោះបានទេ។ រឿងអស្ចារ្យមួយអំពីកងនេះ គឺថាវាមានរយៈពេលយូររហូតដល់ ៥ ឆ្នាំប៉ុន្តែវាមិនមានជារៀងរហូតទេ។ ប្រសិនបើអ្នកសំរេចថាអ្នកចង់មានផ្ទៃពោះ ឬអ្នកមិនចង់ទុកកងរបស់អ្នកទៀតទេ គ្រូពេទ្យអាចយកវាចេញបាន។ អ្នកអាចមានផ្ទៃពោះបានភ្លាមៗបន្ទាប់ពីកងត្រូវបានយកចេញ៕