ការមករដូវរបស់មនុស្សស្រីនាំមកជាមួយនូវភាពតានតឹងគ្រប់គ្រាន់អំពី ៖ ការឈឺចុកចាប់ និងការផ្លាស់ប្តូរអារម្មណ៍ គឺគ្រាន់តែជារោគសញ្ញាមិនគួរឱ្យរីករាយមួយចំនួននៃការមករដូវប្រចាំខែរបស់អ្នក។ ដូច្នេះអ្នកនឹងគិតថារឿងមួយដែលអ្នកអាចសម្រាកបាន គឺដឹងថា អ្នកប្រហែលជាមានសុវត្ថិភាពពីការមានផ្ទៃពោះមែនទេ? ខុសហើយ។ ការរួមភេទពេលមករដូវ វាមិនមានន័យថា វាគ្មានហានិភ័យនោះទេ។
(អាន:ថ្នាំងងុយគេង ពេលអ្នកគួរប្រើ)
ដូច្នេះតើអ្នកអាចមានផ្ទៃពោះក្នុងពេលមករដូវបានទេ? ចំលើយយ៉ាងខ្លី គឺត្រូវហើយ គឺអាចទៅរួច។
វេជ្ជបណ្ឌិត Amanda Kallen ជំនួយការសាស្ត្រាចារ្យផ្នែកសម្ភព រោគស្ត្រីនិងវិទ្យាសាស្ត្របន្តពូជនៅសាលាវេជ្ជសាស្ត្រ Yale ប្រាប់ថា គ្រប់ការមករដូវ គឺជាការហូរឈាម ប៉ុន្តែមិនមែនរាល់ការហូរឈាម គឺជាការមករដូវនោះទេ។ ក្រៅពីការមករដូវធម្មតា Kallen មានហេតុផលផ្សេងទៀតដែលថាស្ត្រីនឹងហូរឈាមចេញពីទ្វារមាសរបស់នាង។ វដ្តមិនទៀងទាត់និងរោគសញ្ញានៃការមានផ្ទៃពោះនៅដំណាក់កាលដំបូងអាចបណ្តាលឱ្យមានការហូរឈាម។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ប្រសិនបើស្ត្រីម្នាក់រួមភេទនៅចុងបញ្ចប់នៃវដ្តរដូវរបស់នាង ហើយឈានដល់ការបញ្ចេញពងអូវុលឆាប់ មេជីវិតឈ្មោលនៅតែអាចស្ថិតក្នុងការបន្តពូជរបស់នាងដដែល ហើយនាងអាចមានគភ៌បានទោះបីជានាងបានរួមភេទពេលមករដូវក៏ដោយ ព្រោះមេជីវិតឈ្មោលអាចរស់នៅបានច្រើនថ្ងៃ នៅទីនោះ។
Kallen ពន្យល់ថា ដោយសារតែមេជីវិតឈ្មោលអាចរស់បានរហូតដល់ ៥ ថ្ងៃនៅខាងក្នុងប្រដាប់បន្តពូជស្ត្រី ដូច្នេះវាអាចទៅរួចសម្រាប់មេជីវិតឈ្មោលរង់ចាំរហូតទាល់តែស្ត្រីបញ្ចេញពងអូវុល។ ដូច្នេះការមករដូវរយៈពេលខ្លី និងការបញ្ចេញពងអូវុលកាន់តែយូរផ្តល់ឱ្យមេជីវិតឈ្មោលនូវបង្អួចដ៏ល្អប្រសើរជាងមុន ដើម្បីបង្កកំណើតដល់ស៊ុត៕