ជាធម្មតា ថ្នាំអាស្ពីរីន (Aspirin) និង អ៊ីប៊ុយប្រូហ្វែន(Ibuprofen)គឺមិនត្រូវបានអនុញ្ញាតឲ្យប្រើប្រាស់ ជាថ្នាំសម្រាប់បំបាត់ការឈឺចាប់ក្នុងកំឡុងពេលមានផ្ទៃពោះនោះឡើយ។
អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?
ថ្នាំអាស្ពីរីន គឺបានទៅបង្អាក់សកម្មភាពនៃកំណកឈាមរបស់អ្នក។ ជាលទ្ធផលនៃការប្រើថ្នាំអាស្ពីរីនក្នុងអំឡុងពេលមានផ្ទៃពោះ ជាពិសេស បន្ទាប់ពីមានផ្ទៃពោះបាន ៣២ សប្តាហ៍ វាជាកត្តារួមចំណែកមួយដល់ការហូរឈាមរបស់មាតា និងទារក។
ហេតុអ្វីស្រ្តីមានផ្ទៃពោះ គួរចៀសវាងប្រើថ្នាំអាស្ពីរីន?
ថ្នាំ Aspirin និង Ibuprofen ក៏អាចបណ្តាលឲ្យសសៃឈាមបេះដូងរបស់ទារកក្នុងផ្ទៃរួមតូច ឬស្ទះដែលអាចនាំឲ្យមានសម្ពាធឈាមខ្ពស់ក្នុងសួតរបស់ទារក និងពន្យារពេលនៃការឈឺពោះសម្រាល។
ទោះបីជាយ៉ាងណាក៏ដោយ ការព្យាបាលដោយថ្នាំអាស្ពីរីនក្នុងអំឡុងពេលមានផ្ទៃពោះក្នុងកម្រិតទាបត្រូវបានគេអនុញ្ញាតឲ្យប្រើប្រាស់ ដើម្បីជួយព្យាបាលជំងឺផ្សេងៗ។
ប្រសិនបើអ្នកត្រូវការទទួលទានថ្នាំអាស្ពីរីនក្នុងអំឡុងត្រីមាសទីបីនៃការមានផ្ទៃពោះរបស់អ្នក អ្នកផ្តល់សេវាថែទាំសុខភាព ឬគ្រូពេទ្យនឹងធ្វើការតាមដានយ៉ាងល្អិតល្អន់ទាំងអ្នក និងកូនរបស់អ្នក។
ប្រសិនបើអ្នកត្រូវការប្រើប្រាស់ថ្នាំបំបាត់ការឈឺចាប់នៅក្នុងអំឡុងពេលមានផ្ទៃពោះ អ្នកគួរសុំយោបល់ពីអ្នកផ្តល់សេវាថែទាំសុខភាព ឬគ្រូពេទ្យ ដើម្បីជាជម្រើសនៃការប្រើប្រាស់ថ្នាំ។ ពួកគេនឹងអាចណែនាំឲ្យអ្នកប្រើថ្នាំ Acetaminophen (Tylenol) ប៉ុន្តែ គ្រាន់តែម្តងម្កាលតែប៉ុណ្ណោះ៕