ជំងឺទឹកនោមប្រៃ គឺជាជំងឺតម្រងនោម ដែលបណ្ដាលឲ្យរាងកាយបាត់បង់ជាតិនូវជាតិប្រូតេអ៊ីនយ៉ាងច្រើនទៅតាមទឹកនោម។

អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?

ជំងឺមានជាតិប្រូតេអ៊ីននៅក្នុងទឹកនោម (ឬជំងឺទឹកនោមប្រៃនេះ) ជាធម្មតា ត្រូវបានបង្កឡើងដោយការខូចសរសៃឈាមតូចៗនៅក្នុងតម្រងនោម ដែលវាមាននាទីក្នុងការច្រោះកាកសំណល់ និងជាតិទឹកដែលលើលចេញពីរាងកាយ។

អាន:ថ្នាំងងុយគេង ពេលអ្នកគួរប្រើ

ជំងឺទឹកនោមប្រៃ អាចបណ្តាលឲ្យហើម ជាពិសេសនៅលើកំភួនជើង និងកែងជើង ហើយអាចបង្កើនហានិភ័យនៃបញ្ហាសុខភាពផ្សេងៗទៀតជាច្រើន។ ការព្យាបាល អាចរួមបញ្ចូលទាំងការព្យាបាលលើស្ថានភាពជំងឺដែលបានបង្ក និងទាំងការប្រើប្រាស់ថ្នាំ។

ជំងឺទឹកនោមប្រៃ អាចបង្កើនហានិភ័យនៃការឆ្លងមេរោគ និងបញ្ហាកំណកឈាមផងដែរ។ គ្រូពេទ្យអាចណែនាំជំហាននានា ដើម្បីការពារផលវិបាកផ្សេងៗទៀតនៃជំងឺទឹកនោមប្រៃនេះ។

ការផ្លាស់ប្តូររបបអាហារអាចជួយអ្នកក្នុងការដោះស្រាយនឹងជំងឺទឹកនោមប្រៃនេះបាន។ គ្រូពេទ្យរបស់អ្នកអាចណែនាំអ្នកដល់អ្នកឯកទេសខាងចំនីអាហារ ដើម្បីពិភាក្សាពីរបៀបដែលអ្នកគួរបរិភោគ ដែលអាចជួយអ្នកក្នុងការដោះស្រាយជាមួយនឹងផលវិបាកនៃជំងឺ។

អ្នកឯកទេសអាចផ្ដល់អនុសាសន៍ដូចជា ៖

• ជ្រើសប្រភពនៃប្រូតេអ៊ីនដែលគ្មានខ្លាញ់
• កាត់បន្ថយបរិមាណជាតិខ្លាញ់ និងកូឡេស្តេរ៉ូលក្នុងរបបអាហារ ដើម្បីជួយគ្រប់គ្រង កម្រិតកូឡេស្តេរ៉ូលក្នុងឈាម
• បរិភោគអាហារដែលមានអំបិលតិច ដើម្បីជួយគ្រប់គ្រងការហើមដែលអ្នកធ្លាប់មាន៕