ប្រសិនបើអ្នកមានអាយុលើសពី ៣៥ ឆ្នាំ ហើយអ្នកសង្ឃឹមថានឹងមានផ្ទៃពោះ នោះអ្នកត្រូវមានការថែរក្សាជាពិសេសមួយមុននឹងចាប់់ផ្តើមមានផ្ទៃពោះ ដើម្បីឲ្យទារកមានសុខភាពល្អ។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ការមានផ្ទៃពោះក្រោយអាយុ ៣៥ ឆ្នាំអាចផ្ដល់នូវហានិភ័យជាច្រើនដូចជា ៖
ការចំណាយរយៈពេលយូរដើម្បីទទួលបានការមានផ្ទៃពោះ
នៅពេលអ្នកមានអាយុលើសពី ៣៥ ឆ្នាំ នោះ មេជីវិតញីរបស់អ្នកបានថយចុះបរិមាណនិងគុណភាព ដោយសារតែមេជីវិតញីមានវ័យចំណាស់ ហើយមិនមានភាពងាយស្រួលក្នុងការបង្កកំណើតដូចស្ត្រីវ័យក្មេងឡើយ។ ដូច្នោះអ្នកត្រូវការរយៈពេលយ៉ាងតិច ៦ ខែ ដើម្បីមានគភ៌។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ការមានកូនភ្លោះ
ឱកាសនៃកូនភ្លោះបានកើនឡើងទៅតាមអាយុរបស់ស្រ្តី។
អ្នកអាចមានជំងឺទឹកនោមក្នុងអំឡុងពេលមានផ្ទៃពោះ
ស្ត្រីវ័យចំណាស់ភាគច្រើនមានជំងឺទឹកនោមផ្អែមក្នុងអំឡុងពេលមានផ្ទៃពោះ ដូច្នោះអ្នកត្រូវចំបាច់ត្រូវគ្រប់គ្រងជាតិស្ករក្នុងឈាមតាមរយៈរបបអាហារ និងការហាត់ប្រាណ ហើយពេលខ្លះមានការប្រើប្រាស់ថ្នាំផងដែរ។ ការមិនព្យាបាលជំងឺទឹកនោមក្នុងអំឡុងពេលមានផ្ទៃពោះអាចបណ្ដាលឲ្យទារកមានទំហំធំជាងធម្មតា ដែលបង្កើនហានិភ័យនៃការរងរបួសក្នុងអំឡុងពេលសម្រាលកូនផងដែរ។
(អាន:ថ្នាំងងុយគេង ពេលអ្នកគួរប្រើ)
អ្នកអាចមានជំងឺលើសឈាមអំឡុងពេលមានផ្ទៃពោះ
ស្ត្រីវ័យចំណាស់ភាគច្រើនមានការកើនសម្ពាធឈាមខ្ពស់អំឡុងពេលមានផ្ទៃពោះ។ ដូច្នោះអ្នកគួរជួបជាមួយអ្នកផ្តល់សេវាថែទាំសុខភាព ដើម្បីតាមដានសម្ពាធឈាម និងកំណើននៃការអភិវឌ្ឍន៍របស់ទារកអ្នក ដើម្បីជៀសវាងនូវផលវិបាក។
ទារកអាចមានទម្ងន់តិច និងកើតមិនគ្រប់ខែ
ទារកអាចមានទម្ងន់តិច និងកើតមិនគ្រប់ខែអាចបង្កឲ្យមានភាពស្មុគស្មាញ និងមានបញ្ហាសុខភាពជាច្រើន។
អ្នកអាចនឹងត្រូវការសម្រាលកូនដោយការវះកាត់
ស្ត្រីវ័យចំណាស់មានហានិភ័យខ្ពស់នៃផលវិបាកក្នុងការសម្រាលកូនដូចជាសុកបាំងមាត់ស្បូនជាដើម៕
