នៅពេលមានផ្ទៃពោះ រូបរាងកាយស្រ្តីមានលក្ខណៈអំណោយផល និងកាន់តែមានភាពល្អប្រសើរនៅពេលមានការប្រើប្រាស់ថាមពលដែលបានពីចំណីអាហារ នេះមានន័យថាស្ត្រីមិនចាំបាច់ត្រូវការកាឡូរីបន្ថែមណាមួយសម្រាប់រយៈពេល ៦ ខែដំបូងនៃការមានផ្ទៃពោះនោះទេ ប៉ុន្តែរាងកាយស្រ្តីត្រូវការប្រហែល ២០០ កាឡូរីបន្ថែមក្នុងមួយថ្ងៃសម្រាប់រយៈពេល ៣ ខែចុងក្រោយ។

(អាន:ថ្នាំងងុយគេង ពេលអ្នកគួរប្រើ)

ចំណង់អាហារ​ គឺជាមគ្គុទេសដ៏ល្អបំផុតដើម្បីកំណត់បរិមាណអាហារដែលរូបរាងកាយត្រូវការ​​​ ហើយចំណង់អាហារនឹងមានការប្រែប្រួលនៅអំឡុងពេលមានផ្ទៃពោះ។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?

នៅក្នុងរយៈពេលប៉ុន្មានសប្តាហ៍ដំបូង ចំណង់អាហារអាចនឹងធ្លាក់ចុះយ៉ាងខ្លាំងហើយស្ត្រីអាចនឹងមានអារម្មណ៍ថាដូចជាចង់ក្អួត ឬដូចជាមានបញ្ហានៅពេលទទួលទានអាហារ។

ក្នុងអំឡុងពាក់កណ្តាលនៃរយៈពេលមានផ្ទៃពោះ ចំណង់អាហារនឹងវិលមកសភាពធម្មតាវិញដែលមានសភាពដូចមុនពេលមានផ្ទៃពោះ ឬអាចមានការកើនឡើងបន្តិចបន្ទួច។

នៅក្នុងរយៈពេលចុងក្រោយនៃការមានផ្ទៃពោះ ចំណង់អាហារនឹងកើនឡើងយ៉ាងខ្លាំង។ ប្រសិនបើមានអាការៈក្រហាយទ្រូង ឬជាអារម្មណ៍ថាតឹងណែនបន្ទាប់ពីការបរិភោគអាហារ អ្នកត្រូវបរិភោគអាហារបន្តិចៗហើយញឹកញាប់។

អ្វីដែលអ្នកត្រូវចងចាំនោះ​​​ គឺការបរិភោគអាហារនៅពេលឃ្លានត្រូវធ្វើមានតុល្យភាពល្អនៃអាហារដែលត្រូវបរិភោគជារៀងរាល់ថ្ងៃ ដើម្បីឲ្យការកើនទម្ងន់ជាលំដាប់ៗស្របពេលដែលទារកមានការលូតលាស់៕