ស្ត្រីមានផ្ទៃពោះជាច្រើននាក់មានការវិវត្តន៍ទៅជាជំងឺខ្វះគ្រាប់ឈាម។ ដូច្នេះស្ត្រីមានផ្ទៃពោះគួរតែញុំារបបអាហារដែលមានជាតិដែក ១៤,៨ មីលីក្រាមជារៀងរាល់ថ្ងៃ។ ហើយស្រ្តីមានផ្ទៃពោះគួរធ្វើការពិនិត្យដើម្បីរកជំងឺខ្វះគ្រាប់ឈាមក្នុងអំឡុងពេលមានផ្ទៃពោះ និង ក្រោយពេលសម្រាលរួច។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
តើគួរធ្វើយ៉ាងណា ដើម្បីការពារកុំឲ្យមានជំងឺខ្វះគ្រាប់ឈាម?
អ្នកអាចការពារកុំឲ្យមានជំងឺខ្វះគ្រាប់ឈាមបានដោយការញុំារបបអាហារដែលធ្វើឲ្យអ្នកមានសុខភាពល្អ និងអាហារដែលមានជាតិដែកដូចជាសាច់គ្មានខ្លាញ់ ថ្លើមសត្វ ត្រី តៅហ៊ូ សណ្តែក បន្លែមានស្លឹកពណ៌បៃតងក្រម៉ៅ និងផ្លែឈើស្ងួត។
(អាន:ថ្នាំងងុយគេង ពេលអ្នកគួរប្រើ)
អ្នកក៏អាចបរិភោគអាហារដែលមានវីតាមីន B12 និងអាស៊ីតហ្វូលិចដូចជាស៊ុត ផលិតផលទឹកដោះគោ ស្ពៃជ្រក់ និងចេក។ នំប៉័ង គ្រាប់ធញ្ញជាតិ និងអាហារផ្សេងទៀតដែលមានសារធាតុចិញ្ចឹមសំខាន់ទាំងបី ជាតិដែក វីតាមីន B12 និង អាស៊ីតហ្វូលិចសុទ្ធតែជួយឲ្យអ្នកគេចផុតពីជំងឺខ្វះគ្រាប់ឈាម។
វីតាមីន C មាននៅក្នុងក្រូច ផ្លែឈើដទៃទៀត និងបន្លែមានបុខងារជួយឲ្យរាងកាយរបស់អ្នកស្រូបយកជាតិដែកបានល្អផងដែរ។
ចុះបើលើសជាតិដែកវិញ តើវាមានបញ្ហាអ្វីខ្លះទៅ?
ជាតិដែកច្រើនពេកអាចបណ្តាលឲ្យមានបញ្ហាធ្ងន់ធ្ងរ។ ជាតិដែកច្រើនពេកធ្វើឲ្យដក់ជាតិដែកនៅក្នុងសរីរាង្គ និងបង្កឲ្យមានបញ្ហានៅក្នុងថ្លើម បេះដូង និងលំពែង។ កម្រិតជាតិដែកអាចត្រូវបានកាត់បន្ថយមកវិញតាមរយៈការបូមឈាមចេញ ឬ ការប្រើប្រាស់ថ្នាំ៕