ការធាត់លើសទម្ងន់ ត្រូវបានផ្សារភ្ជាប់ជាមួយនឹងហានិភ័យសុខភាពជាច្រើន ហើយការធាត់ គឺពិតជាគ្រោះថ្នាក់ខ្លាំង។ ហានិភ័យនៃសុខភាពមួយចំនួនត្រូវបានផ្សារភ្ជាប់ជាមួយនឹងការលើសទម្ងន់ និងការធាត់ដែលរួមមាន ៖
(អាន:ថ្នាំងងុយគេង ពេលអ្នកគួរប្រើ)
- ជំងឺទឹកនោមផ្អែមប្រភេទទី២ និងភាពស៊ាំទៅនឹងអ័រម៉ូនអាំងស៊ុយលីន ៖ ភាពស៊ាំទៅនឹងអ័រម៉ូនអាំងស៊ុយលីនមានន័យថា លំពែងត្រូវផលិតបរិមាណអាំងស៊ុយលីនបន្ថែម ដើម្បីអនុញ្ញាតឲ្យគ្លុយកូសចូលទៅក្នុងកោសិកា និងត្រូវបានប្រើដើម្បីជាថាមពល។ ដោយសារតែកោសិកាខ្លាញ់ គឺងាយស៊ាំនឹងអ័រម៉ូនអាំងស៊ុយលីនជាងកោសិកាសាច់ដុំ នោះអ្នកដែលលើសទម្ងន់ទំនងជាផលិតអ័រម៉ូនអាំងស៊ុយលីនបន្ថែម ដើម្បីរក្សាកម្រិតជាតិស្ករនៅក្នុងឈាមឲ្យនៅថេរ។ នៅពេលដែលលំពែងមិនអាចរក្សាវាបានយូរជាមួយនឹងតម្រូវការដ៏ខ្ពស់នេះ កម្រិតជាតិស្ករនៅក្នុងឈាមកើនឡើង ដែលនេះនាំឲ្យមានជំងឺទឹកនោមផ្អែមប្រភេទទី២។
- ជំងឺមហារីក ៖ ការធាត់ត្រូវបានផ្សារភ្ជាប់ជាមួយនឹងការកើនឡើងហានិភ័យក្នុងការវិវត្តទៅជាជំងឺមហារីកមួយចំនួន ដូចជាជំងឺមហារីកពោះវៀនធំ ជំងឺមហារីកក្រពេញប្រូស្តាត ជំងឺមហារីកស្បូន ជំងឺមហារីកសុដន់ចំពោះស្ត្រីក្រោយអស់រដូវជាដើម
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
- ការគាំងបេះដូង និងជំងឺដាច់ ឬស្ទះសរសៃឈាមខួរក្បាល
- ជំងឺលើសឈាម
- ជំងឺរលាកសន្លាក់ឆ្អឹង
- ជំងឺហ្កោត
- ការគេងមិនដកដង្ហើម និងបញ្ហានៃការដកដង្ហើមដទៃទៀត ដែលរួមមានងាយនឹងឆ្លងមេរោគលើផ្លូវដង្ហើម និងជំងឺហឺត
- ជំងឺខ្សោយបេះដូង
- ជំងឺព្រាយក្រឡាភ្លើង
- កើនឡើងការឆ្លងមេរោគក្រោយការវះកាត់ និងផលវិបាកនៃការវះកាត់ដទៃទៀត
- ការអត់មានកូន
- រីកសរសៃឈាមវ៉ែន
- ច្រាលអាស៊ីតក្រពះចូលក្នុងបំពង់អាហារ។
ការសម្រកទម្ងន់ និងការរក្សាទម្ងន់ឲ្យនៅបានថេរល្អ អាចបន្ថយហានិភ័យទាំងនេះបានយ៉ាងច្រើន៕