វីតាមីន C គឺជាសារធាតុចិញ្ចឹមដ៏សំខាន់។ វានៅតែអាចទៅរួចក្នុងការប្រើប្រាស់វីតាមីន C នេះក្នុងបរិមាណច្រើន។ វីតាមីន C គឺជាពពួកវីតាមីនរលាយក្នុងទឹកមួយ ដែលទ្រទ្រង់ដល់ការរីកលូតលាស់ និងធំធាត់នៃរូបរាងកាយ។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
វីតាមីន C ក៏អាចជួយឲ្យរាងកាយរបស់អ្នកស្រូបយកជាតិដែកផងដែរ។ ដោយសារតែរាងកាយរបស់អ្នកមិនអាចផលិត ឬរក្សាទុកវីតាមីន C នៅក្នុងរាងកាយបាន ការទទួលទានចំណីអាហារដែលមានជាតិវីតាមីន C គឺជារឿងចាំបាច់។
(អាន:ថ្នាំងងុយគេង ពេលអ្នកគួរប្រើ)
ចំពោះមនុស្សភាគច្រើន ការទទួលទានក្រូចធំមួយផ្លែ ផ្លែស្ត្របឺរី ១៦៥ ក្រាម ម្រេចក្រហម ឬប្រូខូលី អាចផ្តល់នូវវីតាមីន C បានគ្រប់គ្រាន់សម្រាប់មួយថ្ងៃ។
វីតាមីន C ដែលនៅសល់ លើសពីតម្រូវការនឹងត្រូវបានបញ្ចេញចោលពីរាងកាយរបស់អ្នកតាមរយៈទឹកនោម។
សម្រាប់មនុស្សពេញវ័យ គេណែនាំឲ្យទទួលទានរបបអាហារដែលមានវីតាមីន C ពី ៦៥ ទៅ ៩០ មីលីក្រាមក្នុងមួយថ្ងៃ។ បើទោះបីជាការញ៉ាំអាហារមានវីតាមីន C ច្រើនពេកទំនងជាមិនបង្កឲ្យមានគ្រោះថ្នាក់ក៏ដោយ ប៉ុន្តែការប្រើប្រាស់វីតាមីន C លើសកម្រិតអាចបណ្តាលឲ្យរាក ចង្អោរ ក្អួត ឈឺនៅចុងដង្ហើម ហើមពោះ ចុកពោះ ឈឺក្បាល គេងមិនលក់ និងអាចបង្កឲ្យមានគ្រួសក្នុងតម្រងនោមផងដែរ។
សូមចាំថា សម្រាប់មនុស្សភាគច្រើន របបអាហារដែលមានសុខភាពល្អអាចផ្ដល់ឲ្យនូវវីតាមីន C បានគ្រប់គ្រាន់សម្រាប់តម្រូវការរបស់រាងកាយហើយ៕